Secretaría: Sra. Freire Corzo.

Tipo e número de recurso: recurso de suplicación 2199/2011 MDM.

Xulgado de orixe/autos: demanda 545/2010 Xulgado do Social número 4 de Vigo.

Recorrente: Instituto Social da Mariña.

Recorrido: Tesouraría Xeral da Seguridade Social.

Recorrido: Arturo Omil Aguete.

Avogada: María Morgado Pérez.

Recorrido: Pescargem, S.A.

María Isabel Freire Corzo, secretaria xudicial da Sala do Social do Tribunal Superior de Xustiza da Coruña, fago saber:

Que no procedemento de recurso de suplicación 2199/2011 desta sección, seguido por instancia de Arturo Omil Aguete fronte ao Instituto Social da Mariña, a Tesouraría Xeral da Seguridade Social e a empresa Pescargem, S.A., sobre xubilación, se ditou Sentenza do 16 de outubro de 2013, cuxa parte dispositiva é a seguinte:

«Ditaminamos: que considerando en parte o recurso de suplicación interposto polo Instituto Social da Mariña contra a Sentenza do 10 de xaneiro de 2011, ditada polo Xulgado do Social número 4 de Vigo, en autos 545/2010 sobre pensión de xubilación, promovidos por Arturo Omil Aguete fronte á recorrente e á empresa Pescargem, S.A., mantemos o pronunciamento de declarar o dereito do demandante a que a súa pensión de xubilación se calcula tomando en consideración unha base de cotización mensual de 2.311,67 € durante o período que vai do 1 de xaneiro de 1997 a outubro de 1997, aínda que a revogamos no sentido de condenar a empresa demandada Pescargem, S.A. a que constitúa o capital custo de tal diferenza, sen prexuízo do anticipo por parte do Instituto Social da Mariña.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina, que se preparará por escrito ante esta sala do social, dentro dos dez días seguintes ao da notificación desta sentenza e de acordo co disposto na Lei de xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala número 1552 0000 80 (nº de recurso) (dúas últimas cifras do ano).

– O depósito de 600 euros na c/c desta sala número 1552 0000 37 (nº de recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal, e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, o pronunciamos, mandamos e asinamos».

E para que lle sirva de notificación en legal forma a Pescargem, S.A., expido este edicto para a súa inserción no Diario Oficial de Galicia.

Advírteselle o destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 16 de outubro de 2013

A secretaria xudicial