Marta Yanguas del Valle, secretaria xudicial de reforzo do Xulgado do Social número 5 da Coruña, fago saber que no procedemento de despedimento/cesamentos en xeral 547/2013 deste xulgado do social, seguido por instancia de María Carmen González Cancela contra a empresa Mantenimientos Hércules, S.L., e o Fogasa, sobre despedimento, ditouse a resolución cuxo encabezamento e parte dispositiva son do teor literal seguinte:
«Sentenza: 435/2013.
Xuíz: Javier López Cotelo.
Procedemento: despedimento 547/2013.
Demandante: María del Carmen González Cancela.
Letrada: Sra. Martínez Ramonde.
Demandada: Mantenimientos Hércules, S.L.
Sentenza nº 435/2013
A Coruña, 29 de xullo de 2013.
Resolución:
1. Estimo a demanda sobre despedimento formulada por María del Carmen González Cancela fronte á empresa Mantenimientos Hércules, S.L. e, en consecuencia, declaro a improcedencia do despedimento e a extinción da relación laboral na data desta sentenza. Todo iso con condena da empresa demandada ao aboamento da indemnización detallada no número segundo desta resolución.
2. A indemnización que deben aboar as empresas demandadas, segundo o disposto no número anterior, ascende á cantidade de 19.857,60 euros.
3. O Fogasa interveu no presente procedemento polo que haberá de pasar por esta resolución.
Inscríbase a presente resolución no libro de sentenzas deixando testemuño desta no presente procedemento.
Notifíquese esta sentenza ás partes advertíndolles que contra ela se poderá interpoñer recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Advírtase igualmente ao recorrente que non fose traballador ou beneficiario do réxime público da Seguridade Social, ou habente causa seus, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.
Así o pronuncio, mando e asino, Javier López Cotelo, xuíz de reforzo do Social da Coruña.
Publicación. A anterior sentenza foi lida e publicada polo xuíz que a subscribe no día da súa data, do que eu, a secretaria xudicial, dou fe».
E para que conste e lle sirva de notificación a Mantenimientos Hércules, S.L., en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.
A Coruña, 29 de xullo de 2013
A secretaria xudicial