Juan Rey Pita, secretario xudicial do Xulgado do Social número 3 da Coruña, fago saber que no procedemento de despedimento obxectivo individual 109/2013 deste xulgado do social, seguido por instancia de Eva María Caamaño del Río, Gloria Blanco Quintáns contra a empresa Manuel Arcos Ferreiro, S.L., Fogasa, sobre despedimento, ditouse a seguinte resolución:
«Decisión.
1º. Estimo a demanda sobre despedimento formulada por Eva María Caamaño del Río e Gloria Branco Quintáns fronte á empresa Manuel Arcos Ferreiro, S.L., e, en consecuencia, declaro a improcedencia do despedimento con condena da empresa indicada a que readmita inmediatamente as traballadoras nas mesmas condicións que rexían antes de producirse o despedimento, ou ben, por elección da empresa, á extinción da relación laboral con aboamento da indemnización detallada no número segundo desta decisión. Todo iso con aboamento, no caso de opción pola readmisión, dos salarios de tramitación que non percibise ata a data da notificación desta sentenza.
A devandita opción deberá exercitarse en 5 días a partir da notificación desta sentenza, mediante escrito ou comparecencia ante este xulgado. Transcorrido o devandito termo, sen que se tivese optado, entenderase que procede a readmisión.
2º. A indemnización e os salarios de tramitación que serán aboados pola empresa demandada son os seguintes:
– En concepto de indemnización, e de optar a empresa por ela: 28.195,2 euros a Eva María Caamaño del Río e 23.399,17 euros a Gloria Blanco Quintáns.
– En concepto de salarios de trámite respecto de Eva María, para o caso de opción pola readmisión, os deixados de percibir desde a data do despedimento e ata a notificación da presente sentenza calculados a razón de euros 39,16 €/día, e que ata a data da presente sentenza ascenden a 8.105,98 euros.
– En concepto de salarios de trámite respecto de Gloria, para o caso de opción pola readmisión, os deixados de percibir desde a data do despedimento e ata a notificación da presente sentenza calculados a razón de euros 51,54 €/día, e que ata a data da presente sentenza ascenden a 10.669,19 euros.
3º. O Fogasa haberá de pasar pola presente resolución nos termos do artigo 33 ET.
Notifíquese esta sentenza ás partes advertíndolles que contra ela poderán interpoñer recurso de suplicación ante o Tribunal Superior de Xustiza que deberá ser anunciado por comparecencia, ou mediante escrito neste xulgado dentro dos cinco días seguintes ao da notificación desta sentenza, ou por simple manifestación no momento en que se lle practique a notificación. Advírtase igualmente ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en (Banesto 0030.1846) a nome deste xulgado co número 1533.0000.36.0109.13 acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co nº 1533.0000.60.0109.13 a cantidade obxecto de condena, ou formalizar aval bancario pola devandita cantidade no que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso, ao momento de anuncialo.
Así, por esta a miña sentenza, definitivamente xulgando, pronúncioo, mándoo e asínoo».
Publicación. Lida e publicada foi a anterior sentenza polo maxistrado que a ditou, achándose realizando audiencia pública no día da data do que dou fe.
E para que sirva de notificación en legal forma a Manuel Arcos Ferreiro, S.L. expido o presente para a súa inserción no Diario Oficial de Galicia.
A Coruña, 17 de xullo de 2013
O secretario xudicial
