Tipo e número de recurso: recurso de suplicación 39/2011.

Xulgado de orixe/autos: demanda 0000121/2010 Xulgado do Social número 1 de Lugo.

Recorrente: María Isaura López Viñas.

Avogado: Pablo Manuel Viño Prieto.

Recorridos: Instituto Nacional da Seguridade Social, Tesouraría Xeral da Seguridade Social, Ibermutuamur Mutua de Accidentes de Trabajo y Enfermedades Profesionales de S.S. número 274, Felgueroso, S.A.

Avogado: Jacinto Berzosa Revilla.

María Asunción Barrio Calle, secretaria xudicial da Sección 1 desta Sala do Social do Tribunal Superior de Xustiza da Coruña, fago saber que no procedemento de recurso de suplicación 39/2011 desta sección, seguido por instancia de María Isaura López Viñas contra a empresa Instituto Nacional da Seguridade Social, Tesouraría Xeral da Seguridade Social, Ibermutuamur Mutua de Accidentes de Trabajo y Enfermedades Profesionales de S.S. número 274, Felgueroso, S.A., sobre accidente, se ditou resolución cuxa parte dispositiva é a seguinte:

«Que desestimando o recurso de suplicación interposto por María Isaura López Viñas contra a sentenza de data dous de novembro do ano dous mil dez, ditada polo Xulgado do Social número 1 dos de Lugo, en proceso sobre continxencia, promovido pola Mutua Ibermutuamur fronte á recorrente e outros, debemos confirmar e confirmamos a sentenza impugnada.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina, que se preparará por escrito ante esta sala do social, dentro dos dez días seguintes á notificación desta sentenza e de acordo co disposto nos artigos 218 e seguintes da Lei de procedemento laboral. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala no banco Banesto, número
1552 0000 80 (nº de recurso) (dúas últimas cifras do ano).

– O depósito de 600 euros na c/c desta sala número 1552 0000 37 (nº de recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, o pronunciamos, mandamos e asinamos».

E para que lle sirva de notificación en legal forma a Felgueroso, S.A., en ignorado paradoiro, expido a presente para a súa inserción no DOG.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 20 de xuño de 2013

A secretaria xudicial