Intentada a notificación por correo certificado aos titulares das empresas que se indican a continuación sen que fose posible, por medio desta cédula e de conformidade cos artigos 59.5 e 61 da Lei 30/1992, notifícaselles a resolución recaída nos expedientes sancionadores correspondentes. Fáiselles saber que no prazo dun mes, contado a partir do día seguiente ao da súa publicación no Diario Oficial de Galicia, poderán interpoñer recurso de alzada ante o director xeral de Traballo e Economía Social, e advírteselles que, de non ser interposto en tempo e forma, deberán aboar a multa, mediante a necesaria utilización do impreso, que poderán solicitar na propia Xefatura Territorial da Coruña. Noutro caso, procederase á exacción pola vía executiva nos termos previstos na disposición segunda da Orde da Consellería de Economía e Facenda do 23.11.2001 (DOG do 5 de decembro).
Expediente nº: RL 2012/483-1.
Acta inf. nº: I152012000130511.
Empresa: Galicia Saudade, S.L.
NIF: B36445641.
Enderezo: avenida Rosalía de Castro, 5, 1º D, 36860 Ponteareas.
Materia: traballo (falta de regularización trimestral das horas realizadas e incumprimento do descanso semanal).
Normativa infrinxida: artigo 37 do Real decreto lexislativo 1/1995, do 24 de marzo, artigos 37 e 38 do convenio colectivo para a actividade de axuda a domicilio de Galicia.
Tipificación: artigos 5.1 e 7.10 do Real decreto lexislativo 5/2000, do 4 de agosto, de acordo cos artigos 39.1 e 2 e 40.1.b) do dito texto legal (dúas faltas graves en grao mínimo por importe de 626 euros cada unha delas).
Data da resolución: 19.3.2013.
Resolución: confirmar a acta de infracción e impoñer á empresa Galicia Saudade, S.L. unha sanción por importe de mil douscentos cincuenta e dous euros (1.252 €).
A Coruña, 20 de marzo de 2013
Mª Pilar Caridad Alonso
Xefa territorial da Coruña