Juan Rey Pita, secretario xudicial do Xulgado do Social número 3 da Coruña, fago saber que no procedemento de despedimento obxectivo individual 833/2012 deste xulgado do social, seguido por instancia de José Benito Ruibal Piñeiro contra a empresa Arampau, S.L., Izardoki, S.L., o Ministerio fiscal, Ernesto Izard Rodríguez, Fogasa sobre despedimento, se ditou a seguinte resolución:

Na cidade da Coruña, 11 de decembro de 2012.

Carlos Villarino Moure, maxistrado xuíz do Xulgado do Social número 3 do xulgado e localidade ou provincia da Coruña, tras ter visto os presentes autos sobre despedimento entre partes, dunha, e como demandante, José Benito Ruibal Piñeiro, que comparece asistido do letrado Félix Suárez de la Fuente; e doutra, e como demandado, Arampau, S.L., que non comparece; Izardoki, S.L., que non comparece; comparece o Ministerio fiscal; Ernesto Izard Rodríguez, non consta citado, e o Fogasa, que non comparece.

«Resolvo:

1º. Estimo a acción sobre resolución de contrato formulada por José Benito Ruibal Piñeiro fronte a Arampau, S.L. e Izardoki, S.L., e, en consecuencia, acordo, con data desta sentenza, a extinción do contrato de traballo existente entre o demandante e as citadas empresas, por causas imputables a elas, e condeno as mencionadas codemandadas a que aboen solidariamente ao demandante 26.020,84 euros (vinte e seis mil vinte con oitenta e catro céntimos de euro), en concepto de indemnización.

2º. Estimo a acción de reclamación de salarios exercida e condeno as citadas empresas Arampau, S.L. e Izardoki, S.L. a aboar solidariamente á parte demandante a cantidade de 6.591,93 euros, en concepto de salarios debidos. Importe que deberá incrementarse cos xuros del artigo 29.3 ET.

3º. Estimo a acción de impugnación do despedimento exercida e declaro nulo o despedimento que con efectos do 20 de xullo de 2012 comunicado á demandante, con condena ás empresas Arampau, S.L. e Izardoki, S.L. a que aboen solidariamente á demandante a cantidade de 8.739,70 euros por salarios de tramitación devindicados entre a data do despedimento e ata a presente resolución en que se extingue a relación laboral. E, así mesmo, a aboar a cantidade de 910,39 euros polo prazo de aviso previo incumprido.

4º. As empresas Arampau, S.L. e Izardoki, S.L. deberán, así mesmo, aboar solidariamente á parte demandante a cantidade de 3.641,54 euros como resarcimento polos danos e perdas sufridos como consecuencia da vulneración do seu dereito fundamental á integridade moral e á tutela xudicial efectiva.

5º. Ademais, Arampau, S.L. e Izardoki, S.L. son condenadas en custas, coa obriga de resarcir os gastos de honorarios de letrado da parte demandante ata o importe de 600 euros.

6º. Considérase que desistiu a parte demandante en relación coa acción exercida fronte a Ernesto Izard Rodríguez.

Notifíquese esta sentenza ás partes e advírtaselles que contra ela poderán interpoñer recurso de suplicación ante o Tribunal Superior de Xustiza que deberá ser anunciado por comparecencia, ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtase igualmente ao recorrente que non sexa traballador ou beneficiario do réxime público de Seguridade Social, ou habentes causa seus, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en (Banesto 0030 1846) a nome deste xulgado co número 1533 0000 36 0833 12 acreditando mediante a presentación do xustificante de ingreso no período comprendido ata a formalización do recurso así como, en caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co número 1533 0000 60 0833 12 a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso, no momento de anuncialo.

Así, por esta miña sentenza, definitivamente xulgando, pronúncioo, mándoo e asínoo».

Publicación. Lida e publicada foi a anterior sentenza polo maxistrado que a ditou, que celebraba audiencia pública no día da data, do que dou fe.

E, para que sirva de notificación en legal forma a Izardoki, S.L. expido esta notificación para a súa inserción no Diario Oficial de Galicia.

A Coruña, 17 de decembro de 2012

O secretario xudicial