Patricia Raposo Fernández, secretaria xudicial do Xulgado de Primeira Instancia número 2 de Pontevedra, mediante este anuncio que no presente procedemento de xuízo verbal 839/11 seguido a instancia de Alhambra Distribuidora Meridional, S.L. fronte a Unión Sueños 985, S.L., ditouse sentenza, cuxo teor literal é o seguinte:

«Sentenza 56/2012.

Pontevedra, 16 de abril de 2012.

Vistos por Ignacio de Frías Conde, maxistrado xuíz do Xulgado de Primeira Instancia número 2 de Pontevedra, os presentes autos de xuízo verbal seguidos neste xulgado co número 839/2011 por instancia de Alhambra Distribuidora Meridional, S.L., representada pola Procuradora Sra. Conde Abuín e defendida polo Letrado Sr. Ruiz de Velasco, fronte a Unión Sueños 985, S.L., en situación de rebeldía procesual, sobre reclamación de cantidade.

Decido que estimo a demanda interposta por Alhambra Distribuidora Meridional, S.L. fronte a Unión Sueños 985, S.L., e condeno a Unión Sueños 985, S.L. a pagar a Alhambra Distribuidora Meridional, S.L. a suma de 3.748,49 euros, máis os xuros legais desta suma desde o 17 de novembro de 2011 ata a data desta resolución, e desde esta os xuros do artigo 576 da LAC.

As custas procesuais impóñense a Unión Sueños 985, S.L.

Notifíquese a presente resolución ás partes. Esta sentenza non é firme. Contra ela cabe interpoñer recurso de apelación no prazo de vinte días contados desde a notificación desta».

E encontrándose o devandito demandado, Unión Sueños 985, S.L., en paradoiro descoñecido, expídese o presente co fin de que sirva de notificación en forma a aquel.

Pontevedra, 19 de xullo de 2012

A secretaria xudicial