Por iniciativa das correspondentes asociacións, poderán ser declaradas de utilidade pública aquelas que reúnan os requisitos establecidos no artigo 32 da Lei orgánica 1/2002, do 22 de marzo, reguladora do dereito de asociaciós.
O Decreto 157/2008, do 10 de xullo, sobre asunción de funcións da Administración do Estado traspasadas á Comunidade Autónoma de Galicia mediante o Real decreto 1080/2008, do 30 de xuño, en materia de declaración de utilidade pública de asociacións, asigna estas funcións á Consellería de Presidencia, Administracións Públicas e Xustiza, establecendo que será competente para resolver o procedemento de declaración de utilidade pública a persoa titular da Consellería de Presidencia, Administracións Públicas e Xustiza, logo da instrución do procedemento polo órgano correspondente.
Tras a solicitude da asociación, foi instruído o expediente de conformidade co previsto no Real decreto 1740/2003, do 19 de decembro, sobre procedementos relativos a asociacións de utilidade pública, e nel consta a documentación e os informes previstos na citada norma.
De conformidade cos informes favorables de declaración de utilidade pública, emitidos polos instrutores dos correspondentes expedientes,
RESOLVO:
Declarar de utilidade pública as seguintes asociacións:
• Asociación Renacer, inscrita no Rexistro Provincial de Asociacións da Coruña co núm. 1987-1850-1.
• Asociación Ateneo de Santiago, inscrita no Rexistro Provincial de Asociacións da Coruña co núm. 1966-90-1.
• Asociación Rexurdir, de Actividades Sociais, inscrita no Rexistro Provincial de Asociacións de Pontevedra co núm. 1987-1573-1.
• Asociación ONG Mestura, para la Integración Social de las Personas Inmigrantes y Emigrantes, inscrita no Rexistro Central de Asociacións co núm. 2004/7222-1.
Contra esta orde, que lle pon fin á vía administrativa, pode interporse recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, de conformidade co disposto na Lei 29/1998, do 13 de xullo, reguladora da xurisdición contencioso-administrativa; poderase interpor, con carácter potestativo, recurso de reposición ante o mesmo órgano que ditou o acto, no prazo dun mes, segundo o disposto na Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 1 de outubro de 2012
Alfonso Rueda Valenzuela
Conselleiro de Presidencia, Administracións Públicas e Xustiza