María Jesús Hernando Arenas, secretaria xudicial do Xulgado do Social número 5 da Coruña, fai saber que no procedemento despedimento/cesamentos en xeral 428/2012 deste Xulgado do Social, seguido por instancia de Raquel Gómez Varela contra a empresa Informaliate Computer, S.L., e Fogasa, sobre despedimento, se ditou a seguinte sentenza, cuxa resolución di:

1. Que debo estimar e estimo a demanda formulada que en materia de despedimento foi interposta por Raquel Gómez Varela contra a entidade Informaliate Computer, S.L. e, en consecuencia, debo declarar e declaro improcedente o despedimento de que foi obxecto a demandante con data do 16 de xaneiro de 2012, condenando a entidade Informaliate Computer, S.L. que, no prazo de cinco días desde a data de notificación da sentenza, opte entre a readmisión inmediata da demandante nas mesmas condicións que rexían con anterioridade, ou o aboamento dunha indemnización por despedimento a razón de 330,45 euros, con aboamento, en ambos os casos, dos salarios de tramitación desde a data do despedimento ata a notificación desta resolución, que ascenden a 44,06 euros diarios.

2. Que debo estimar a estimo a demanda de cantidade interposta por Raquel Gómez Varela contra a entidade Informaliate Computer, S.L. e, en consecuencia, condeno a demandada a lle aboar á demandante a suma de 2.114,86 euros, incrementada no 10 % de xuro por demora aplicable aos conceptos salariais.

Notifíquese esta resolución ás partes e fágaselles saber o seu dereito a interpor contra ela recurso de suplicación ante a Sala do Social do Tribunal Superior de Xustiza de Galicia, que poderán anunciar por comparecencia ou mediante escrito neste xulgado, dentro dos cinco días seguintes ao da súa notificación.

Advírtase igualmente o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a cantidade de 300 euros, do depósito especial indicado no artigo 229.1.a) da Lei reguladora da xurisdición social, na conta aberta na entidade Banesto, a nome deste xulgado, co número 4757 0000 código 36 e número de expediente, acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario por tal cantidade, en que se faga constar a responsabilidade solidaria do avalista, e incorporalo a este xulgado co anuncio do recurso.

En todo caso, o recorrente deberá designar letrado para a tramitación do recurso, no momento de o interpor.

Así, por esta miña sentenza, pronúncioo, mándoo e asínoo.

Advírtese o destinatario de que as seguintes comunicación se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas ou cando se trate de emprazamento.

A Coruña, 3 de setembro de 2012

A secretaria xudicial