María Mercedes Santos García, secretaria xudicial de reforzo do Xulgado do Social número 2 da Coruña, fago saber que no procedemento 1386/2009, seguido neste xulgado, se ditou sentenza cuxo encabezamento e ditame son do teor literal seguinte:
«Na Coruña o trece de xuño de dous mil doce. Vistos por Montserrat Matos Salgado, maxistrada xuíza substituta do Xulgado do Social número 2 (reforzo) desta cidade, os autos número 1386/2009, promovidos por instancia de Luis Alberto Liste Rama, representado polo seu letrado Sr. Valiño Ferreiro, contra a empresa Proyecciones Betanzos, S.L., que non comparece no acto do xuízo, e o Fogasa, que non comparece; a litis versa sobre reclamación de salarios.
Decido que, estimando a demanda formulada por Luis Alberto Liste Rama, representado polo seu Letrado Sr. Valiño Ferreira, contra a empresa Proyecciones Betanzos, S.L., que non comparece no acto do xuízo, e o Fogasa, que non comparece, debo condenar e condeno a demandada a aboar ao demandante a suma de 5.540,82 euros no sentido exposto no fundamento primeiro, incrementada cos xuros moratorios pertinentes. Así mesmo, debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 ET. Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, pasados os cales se declarará firme e se procederá ao seu arquivo. Advírtase igualmente ao recorrente que non sexa traballador ou beneficiario do réxime público de seguridade social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros (artigo 229 da Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado».
E para que sirva de notificación en legal forma á empresa Proyecciones Betanzos, S.L. expido a presente para a súa inserción no Diario Oficial de Galicia.
A Coruña, 23 de xullo de 2012
A secretaria xudicial
