María Mercedes Santos García, secretaria xudicial de reforzo do Xulgado do Social número 2 da Coruña, fago saber que no procedemento 1366/2009, seguido neste xulgado, se ditou sentenza cuxo encabezamento e ditame son do teor literal seguinte:

«Na Coruña o sete de xuño de dous mil doce. Vistos por Montserrat Matos Salgado, maxistrada xuíza substituta do Xulgado do Social número 2 (reforzo) desta cidade, os autos número 1366/2009, promovidos por instancia de Carlos Javier Vicente Suárez, representado pola súa letrada Sra. Isabel Gil, e contra a empresa Hormigones del Noroeste, S.L., que non comparece no acto do xuízo, e o Fogasa, que non comparece; a litis versa sobre reclamación de salarios.

Decido que, estimando a demanda formulada por Carlos Javier Vicente Suárez, representado pola súa letrada Sra. Isabel Gil, e contra a empresa Hormigones del Noroeste, S.L., que non comparece no acto do xuízo, e o Fogasa, que non comparece, debo condenar e condeno a demandada a aboar ao Sr. Vicente a cantidade de 1.695,95 euros, no sentido exposto no fundamento primeiro, incrementada cos xuros moratorios pertinentes. Así mesmo, debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 ET. Notifíquese esta sentenza ás partes, facéndolles saber que, en virtude do disposto no artigo 191.2.g) da Lei 36/2011, do 11 de outubro, reguladora da xurisdición social, non cabe recurso contra ela».

E para que sirva de notificación en legal forma á empresa Hormigones del Noroeste, S.L. expido a presente para a súa inserción no Diario Oficial de Galicia.

A Coruña, 23 de xullo de 2012

A secretaria xudicial