1. Alcance da información pública; lexislación.
Sométese a información pública a solicitude de autorización administrativa de declaración de utilidade pública, de aprobación do proxecto de execución, así como de recoñecemento do réxime especial de produción eléctrica, e de trámites do proxecto sectorial e do estudo de impacto ambiental do parque eólico Serra de Gomariz-OU/11.
A lexislación que basicamente é de aplicación para os efectos anteriores é a seguinte: Lei 54/1997, do 27 de novembro, do sector eléctrico, e Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; Decreto 661/2007, do 25 de maio, polo que se regula a actividade de produción de enerxía eléctrica en réxime especial; Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental; Real decreto lexislativo 1/2008, do 11 de xaneiro, polo que se aproba o texto refundido da Lei de avaliación de impacto ambiental de proxectos (modificado pola Lei 6/2010, do 24 de marzo) e Decreto 442/1990, do 13 de setembro, de avaliación de impacto ambiental para Galicia; Lei 10/1995, do 23 de novembro, de ordenación do territorio de Galicia, e Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal.
2. Características básicas do proxecto.
• Peticionario: Acciona Energía, S.A.U.; rúa Varsovia nº 4C, 5ª pl. Área Central. 15707 Santiago de Compostela (A Coruña).
• Situación: Concellos de Baltar e Os Blancos (Ourense).
A poligonal que define o perímetro do parque eólico Serra de Gomariz-OU/11, que se sitúa dentro da área de desenvolvemento eólico I-4-13, denominada Serra de Gomariz, incluída dentro do Plan sectorial eólico de Galicia, ten as seguintes coordenadas UTM:
|
Vértice |
UTM x |
UTM y |
|
1 |
602.000 |
4.646.000 |
|
2 |
601.000 |
4.644.000 |
|
3 |
602.000 |
4.643.000 |
|
4 |
603.000 |
4.643.000 |
|
5 |
605.000 |
4.646.000 |
|
6 |
605.000 |
4.647.000 |
|
7 |
604.000 |
4.647.500 |
No seguinte cadro indícanse por concellos as posicións dos 9 aeroxeradores:
|
Aer. nº |
UTM x (m) |
UTM y (m) |
Concello |
|
A3.1 |
603.803 |
4.646.901 |
Blancos (Os) |
|
A3.2 |
603.998 |
4.646.705 |
Blancos (Os) |
|
A3.3 |
604.055 |
4.646.474 |
Blancos (Os) |
|
A1.1 |
602.881 |
4.645.738 |
Blancos (Os) |
|
A2.1 |
601.569 |
4.644.600 |
Blancos (Os) |
|
A2.2 |
601.654 |
4.644.396 |
Blancos (Os) |
|
A2.3 |
601.802 |
4.644.221 |
Baltar |
|
A1.3 |
602.499 |
4.644.158 |
Baltar |
|
A1.2 |
602.906 |
4.644.206 |
Baltar |
Datos técnicos:
• O parque eólico estará formado por 9 aeroxeradores AW-3000 de Acciona, de 3 mW de potencia unitaria, para unha potencia total de 27 mW, equipados con turbina, multiplicador e xerador eléctrico Indar, con tensión de xeración 12 kV, situados no alto dunha torre de formigón de 120 m de altura de buxe cimentada sobre zapata de formigón armado; diámetro de rotor de 116 m.
• Torres de medicións meteorolóxicas de celosía autoportantes, de 120 metros de altura, coas seguintes posicións:
|
T.M. Gomariz-4 |
603.744 |
4.646.650 |
Blancos (Os) |
|
T.M. Gomariz-5 |
603.155 |
4.644.381 |
Baltar |
• Interconexión dos aeroxeradores con 3 circuítos eléctricos subterráneos independentes entre si, condutor RHZ1 1×240/1×400/1×630 mm2, segundo o caso, a 12 kV, enlazados coa subestación de transformación proxectada.
• Subestación 132/12 kV, de tecnoloxía compacta tipo Pass, da cal partirá a liña de interconexión co sistema eléctrico xeral. Instalada en intemperie, esquema de simple barra, na parte de 132 kV, cunha posición de liña e outra de transformación, con trafo de potencia de 25/30 mVA con refrixeración Onan/Onaf, con regulación en carga, r/t: 132 ±10%/12 kV, e as seguintes en media tensión: 2 de entrada de liña, 1 de protección de transformador, 1 de transformador de servizos auxiliares, con trafo de 50 kVA r/t: 12.000/420-230 V, instalado en interior, baterías de condensadores e aparellos de medida, protección, telemando e control.
• CT para servizos auxiliares, que se instalará na base de cada aeroxerador, de tipo seco encapsulado, de 630 kVA de potencia aparente e relación de transformación 12.000V±2,5%±5%/690V/400V, coas súas correspondentes aparellaxes de seccionamento, manobra e protección.
3. Urxente ocupación. O peticionario, ao abeiro do título IX da Lei 54/1997, do 27 de novembro, do sector eléctrico, solicita así mesmo a declaración de utilidade pública das instalacións, o que, segundo o sinalado no artigo 54 daquela, levará implícita en todo caso a necesidade de ocupación dos bens ou de adquisición dos dereitos afectados –os cales se describen na relación adxunta– e implicará a urxente ocupación para os efectos do artigo 52 da Lei de expropiación forzosa.
4. Estudo ambiental. O estudo ambiental pode ser examinado nas dependencias seguintes: xefaturas territoriais de Ourense das consellerías de Economía e Industria, e Medio Ambiente, Territorio e Infraestruturas, e nos concellos afectados.
5. Proxecto sectorial. Ten por obxecto realizar a ordenación do territorio do parque eólico, o cal se acomoda ao Plan sectorial eólico de Galicia, aprobado definitivamente como de incidencia supramunipal polo Consello da Xunta de Galicia do 1.10.1997 (DOG do 15 de novembro) e á súa modificación aprobada polo dito órgano o 5.12.2002 (DOG do 3 de xaneiro de 2003), e quedará o planeamento dos concellos afectados vinculado a esta norma.
6. Alegacións. Os interesados e os seus representantes poden examinar o expediente nas oficinas desta xefatura territorial, rúa Curros Enríquez nº 1, 3º, Ourense, tamén nos organismos citados nos puntos 4 e 5 no que respecta ao estudo ambiental e ao proxecto sectorial, respectivamente, e presentar, de ser o caso, as alegacións que crean oportunas no prazo de trinta días, contados a partir da última publicación deste anuncio.
Esta publicación realízase igualmente para os efectos do artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, con traslado ao Ministerio Fiscal das dilixencias que se produzan.
Ourense, 28 de maio de 2012
Gabriel Diéguez Domínguez
Xefe territorial de Ourense
