Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 536/2010 deste xulgado do social, seguido por instancia de Ramiro Caneiro Granullaque contra a empresa Automecánica del Noroeste, S.A., e o Fogasa sobre ordinario, ditouse a seguinte resolución:

«A Coruña, 14 de xuño de 2012.

Carlos Villarino Moure, maxistrado xuíz do Xulgado do Social número 3 da Coruña, tras ver os presentes autos sobre ordinario entre partes, dunha e como demandante Ramiro Caneiro Granullaque, que comparece asistido polo letrado José Ariza Vidal, e doutra como demandado, Automecánica del Noroeste, S.A., e o Fogasa que non comparecen malia estar citado en legal forma.

Decido que, estimando a demanda formulada por Ramiro Caneiro Granullaque contra a empresa Automecánica del Noroeste, S.A., e o Fogasa, condeno a empresa Automecánica del Noroeste, S.A., a aboarlle a cantidade de 4.236,61 euros, que lle debe en concepto de salarios e demais conceptos cos xuros conforme o artigo 29.3 ET.

Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lles practique a notificación. Advírtase igualmente ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto (0030.1846) a nome deste xulgado co número 1533 0000 36 0536 10, acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co número 1533 0000 60 0536 10, a cantidade obxecto de condena, ou ormalizar aval bancario pola devandita cantidade en que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso, no momento de anuncialo.

Así por esta a miña sentenza, definitivamente xulgando, pronúncioo, mándoo e asínoo».

E para que sirva de notificación en legal forma a Automecánica del Noroeste, S.A., expido o presente para a súa inserción no Diario Oficial de Galicia.

A Coruña, 28 de xuño de 2012

O secretario xudicial