María Mercedes Santos García, secretaria xudicial de reforzo do Xulgado do Social número 1 da Coruña, fago saber que no procedemento PO 1281/2011, seguido neste xulgado, se ditou sentenza cuxo encabezamento e decisión son do teor literal seguinte:
«A Coruña, vinte e tres de maio de dous mil doce. Vistos por Montserrat Matos Salgado, maxistrada xuíza substituta do Xulgado do Social número 1 (reforzo) desta cidade, os autos número 1281/2011, promovidos por instancia de Jesús Liste Calviño, representado polo seu letrado Sr. Martínez Manteiga e contra a empresa Manuel Rey García, non comparecida no acto do xuízo e o Fogasa, que non comparece, versando a litis sobre reclamación de salarios.
Decisión que estimando a demanda formulada por Jesús Liste Calviño, representado polo seu letrado Sr. Martínez Manteiga, e contra a empresa Manuel Rey García, que non compareceu no acto do xuízo, e o Fogasa, que non comparece, debo condenar e condeno a demandada a aboarlle á demandante a suma de 5.571,24 euros no sentido exposto no fundamento primeiro, incrementada cos xuros moratorios pertinentes. Así mesmo, debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 do ET. Notifíqueselles esta sentenza ás partes advertindo que contra ela poderán interpor recurso de suplicación ante o Tribunal Superior de Xustiza, que deberá ser anunciado por comparecencia, ou mediante escrito, neste xulgado dentro dos cinco días seguintes á notificación desta sentenza, pasados os cales se declarará firme e se procederá ao seu arquivo. Advírtaselle igualmente ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros (artigo 229 da Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado».
E para que sirva de notificación en legal forma á empresa Manuel Rey García, expido a presente para a súa inserción no Diario Oficial de Galicia.
A Coruña, 23 de xuño de 2012
A secretaria xudicial
