O Pleno da Deputación Provincial de Pontevedra, na sesión extraordinaria que tivo lugar o día 8 de xuño de 2012, acordou por unanimidade, aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, a delegación que en materia de recursos locais realizou a Mancomunidade de Concellos do Val Miñor, por acordo da Xunta da Mancomunidade do 24 de abril de 2012 e seguindo o establecido no artigo 106.3 da Lei 7/1985, do 2 de abril, reguladora das bases de réxime local, e 7 do citado Real decreto lexislativo 2/2004, para que a Deputación Provincial de Pontevedra exerza as facultades de recadación en vía executiva dos ingresos de dereito público que se atopen pendentes de cobramento na Tesouraría da Mancomunidade.

A citada delegación será levada a cabo polo organismo autónomo provincial de Xestión de Recursos Locais (ORAL).

O que se fai público para xeral coñecemento.

Pontevedra, 18 de xuño de 2012

Rafael Louzán Abal Carlos Cuadrado Romay

Presidente da Deputación Secretario da Deputación

Provincial de Pontevedra Provincial de Pontevedra