No procedemento de referencia ditouse a resolución do teor literal seguinte:
En Pontevedra o vinte e oito de marzo de dous mil doce.
María Ángeles González de los Santos, maxistrada xuíza titular do Xulgado de Primeira Instancia número 1 de Pontevedra, despois de ver estes autos de xuízo verbal número 503/2011, seguidos por instancia de José Vila Moriente, representado pola procuradora Alejandra Freire Riande e defendido polo letrado Alejandro López González, contra Julia Pereira Barral, en situación procesual de rebeldía, ditou, en nome do rei, a seguinte
Sentenza
Decido que debo estimar a demanda presentada por Javier Vila Moriente, representado pola procuradora Alejandra Freire Riande, contra Julia Pereira Barral, en situación procesual de rebeldía e, en consecuencia, debo condenar a Julia Pereira Barral a pagar a Javier Vila Moriente a cantidade de 2.680 euros, co xuro do artigo 576 da LAC.
As custas procesuais impóñense á parte demandada.
Notifíquese esta sentenza ás partes e fágaselles saber que contra ela non cabe recurso.
Posteriormente ditouse o seguinte auto aclaratorio da sentenza:
Auto
Xuíza/maxistrada xuíza: María Ángeles González de los Santos.
En Pontevedra o trece de abril de dous mil doce.
Parte dispositiva
Acordo estimar a petición formulada pola parte demandante de aclarar sentenza do 28.3.2012, ditada no presente procedemento, no sentido que se indica:
No ditame da sentenza onde di: «Javier» debe dicir: «José».
Ao non coñecer o enderezo de Julia Pereira Barral, dítase este edicto para que sirva de cédula de notificación da sentenza e do posterior auto aclaratorio.
Pontevedra, 17 de abril de 2012
A secretaria xudicial