Belén Menéndez Medel, secretaria xudicial do Xulgado de Primeira Instancia e Instrución número 1 de Noia, fai saber que neste órgano xudicial se seguen autos de xuízo verbal 397/2010 por instancia de Olga Milla Castro e Axa Seguros Generales, S.A., de Seguros y Reaseguros, fronte a José Luis González Sampedro e Janet Marianne Acevedo Talma, despois de ditarse sentenza o 22 de febreiro de 2011, e en virtude do establecido no artigo 497 da LAC, achándose os demandados en ignorado paradoiro, notifícaselles a devandita resolución por medio deste edicto que se fixa no taboleiro de anuncios deste órgano xudicial e publicásese no boletín oficial da comunidade autónoma.
A sentenza que se notifica ten o seguinte ditame:
«Ditame.
Estimo parcialmente a demanda presentada por Olga Visitación Milla Castro e Axa de Seguros y Reaseguros contra Janet Marianne Acevedo Talma e José Luis González Sampedro.
Condeno a Janet Marianne Acevedo Talma e José Luis González Sampedro a que lle aboen a Olga Visitación Milla Castro a cantidade de cincocentos cincuenta e nove euros e seis céntimos, máis o xuro legal do diñeiro desde a data da reclamación xudicial e un xuro anual igual ao do xuro legal do diñeiro incrementado en dous puntos desde a data desta sentenza.
Condeno a Janet Marianne Acevedo Talma e José Luis González Sampedro a que aboen a Axa de Seguros y Reaseguros a cantidade de trescentos oitenta e nove euros con oitenta e catro céntimos, máis o xuro legal do diñeiro desde a data da reclamación xudicial e un xuro anual igual ao do xuro legal do diñeiro incrementado en dous puntos desde a data desta sentenza.
Sen imposición de custas.
Así por esta sentenza, que non é firme e contra a que cabe interpoñer recurso de apelación, que deberá prepararse ante este xulgado no prazo de cinco días hábiles contados desde o día seguinte á notificación da sentenza, pronúncioo, mándoo e asínoo».
E para que sirva de notificación en forma aos demandados, actualmente en ignorado paradoiro, expido este edicto.
Noia, 25 de febreiro de 2011.
A secretaria xudicial
