María del Carmen Álvarez Iglesias, secretaria xudicial do Xulgado de Primeira Instancia e Instrución número 1 de Sarria, mediante este anuncio

Neste procedemento seguido por instancia de Euromoble, S.L., fronte a Hogar y Muebles Kit, S.L., e Javier Souto Corral, ditouse sentenza, cuxo encabezamento e resolución son do teor literal seguinte:

«Xulgado de Primeira Instancia de Sarria.

Procedemento: ordinario.

Número: 3/636-E/2010.

Sentenza.

En Sarria o 3 de febreiro de 2012.

Vistos por min, M.ª Carmen López López, xuíza substituta do Xulgado de Primeira Instancia de Sarria e o seu partido, estes autos de xuízo ordinario número 3/636-E, seguidos neste xulgado por instancia da entidade Euromoble, S.L., representada pola procuradora Sra. López Díaz e asistida polo letrado Sr. Campo Moscoso, contra Hogar y Muebles Kit, S.L., e Javier Souto Corral, en situación de rebeldía procesual.

Decido que, estimando a demanda interposta pola procuradora Sra. López Díaz en representación de Euromoble, S.L., contra a entidade mercantil Hogar y Muebles Kit, S.L., e contra Javier Souto Corral, condeno os demandados a aboar solidariamente á demandante a cantidade de 82.945,14 euros en concepto de rendas debidas e de gastos de devolución dos recibos xirados para o pagamento das rendas, máis os xuros legais; así como á entidade Hogar y Muebles Kit, S.L., ao aboamento da suma de 20.000 euros derivados de obrigas de pagamento impagadas referidas no feito quinto da demanda, co xuro legal incrementado en dous puntos desde a data dos seus respectivos vencementos ata o efectivo reembolso, e condeno a Javier Souto Corral como responsable subsidiario do seu pagamento.

Con imposición de custas aos demandados.

Modo de impugnación: mediante recurso de apelación ante a Audiencia Provincial de Lugo. O recurso prepararase por escrito ante este xulgado no prazo de vinte días.

Así a pronuncia e asina».

O xuíz.

E, encontrándose os devanditos demandados, Hogar y Muebles Kit, S.L., e Javier Souto Corral, en paradoiro descoñecido, expídese este co fin de que sirva de notificación en forma a estes.

Sarria, 16 de marzo de 2012.

A secretaria xudicial