Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 155/2009, por instancia de Iván Andrade García contra a empresa CESS Cia Europea de Servicios de Seguridade, S.A. e Prosegur Cia de Seguridad, S.A. sobre reclamación de cantidade, en que recaeu sentenza con data 16 de xaneiro de 2012 que, copiada nos particulares necesarios, di así:

Que desestimo a excepción de prescrición alegada polas demandadas e estimo a pretensión subsidiaria da demanda interposta por Iván Andrade García contra as empresas CESS Cia Europea de Servicios de Seguridade, S.A. e Prosegur Cia de Seguridad, S.A., entendendo que os complementos de nocturnidade e festividade son conceptos salariais pero non así os de transporte e vestiario e, polo tanto, condeno a empresa a que lle aboe ao traballador a cantidade de cincocentos quince con trece euros (515,13 €).

E para que conste, para os efectos da súa publicación no Diario Oficial de Galicia, co fin de que lles sirva de notificación en forma ás empresas CESS Cia Europea de Servicios de Seguridade, S.A. e Prosegur Cia de Seguridad, S.A., expido e asino este edicto.

A Coruña, 12 de abril de 2012.

A secretaria xudicial