A Lei orgánica 2/2006, do 3 de maio, de educación, no capítulo IV do seu título I, determina a organización do bacharelato en diferentes modalidades, e o Decreto 157/2022, do 15 de setembro, establece a ordenación e o currículo do bacharelato na Comunidade Autónoma de Galicia.
Mediante a Orde do 30 de xuño de 2022 autorizouse a implantación das modalidades de bacharelato en centros públicos de titularidade desta consellería de acordo con esta ordenación.
Analizadas as necesidades educativas xurdidas e a oferta de modalidades en funcionamento, resulta necesario modificar esta oferta, coa finalidade de mellorar a atención do alumnado de bacharelato.
Por todo canto antecede, por proposta da Dirección Xeral de Centros e Recursos Humanos,
DISPOÑO:
Artigo único. Modificación de ensinanzas
Modifícase a oferta e suprímense as ensinanzas de bacharelato na modalidade xeral no IES Arcebispo Xelmírez I (código 15015743), do concello de Santiago de Compostela, con efectos no curso 2023/24.
Disposición derradeira primeira. Desenvolvemento normativo
Autorízase a Dirección Xeral de Ordenación e Innovación Educativa e a Dirección Xeral de Centros e Recursos Humanos para adoptar todos os actos e medidas necesarias para a aplicación desta orde.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 15 de xullo de 2024
Román Rodríguez González
Conselleiro de Educación, Ciencia, Universidades e
Formación Profesional