Mediante o Acordo da Xunta de Goberno Local, do 20 de maio de 2024, aprobouse a oferta ordinaria de emprego público correspondente ao ano 2024.

En cumprimento do artigo 91 da Lei 7/1985, do 2 de abril, reguladora das bases do réxime local, e o artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro, publícase a oferta ordinaria de emprego público para o ano 2024.

Persoal funcionario

Denominación	Escala	Subescala	Grupo/subgrupo	Nivel	Vacantes	Xornada	Sistema de selección	Quenda
Técnico de urbanismo	Especial	Técnica	A1/A2	24	1	75 %	Oposición	Libre
Auxiliar administrativo	Xeral	Auxiliar	C2	18	1	100 %	Oposición	Libre
Alguacil de servizos múltiples	Xeral	Subalterno	Agrupacións profesionais	14	1	100 %	Concurso -oposición	Libre

Contra este acordo, que pon fin á vía administrativa, pode interporse alternativamente o recurso potestativo de reposición, ante o alcalde, no prazo dun mes contado desde o día seguinte ao da última publicación deste anuncio no Boletín Oficial da provincia de Lugo ou no Diario Oficial de Galicia, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Lugo ou, á súa elección, o que corresponda ao seu domicilio, se este radica en lugar distinto, no prazo de dous meses contados desde o día seguinte ao da recepción desta notificación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Se se opta por interpor o recurso potestativo de reposición, non se poderá interpor recurso contencioso-administrativo ata que aquel sexa resolto expresamente ou se producise a súa desestimación por silencio administrativo.

O Vicedo, 3 de xullo de 2024

José Jesús Novo Martínez
Alcalde