De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, en relación co artigo 135 da Lei 2/2016, do 10 de febreiro, do solo de Galicia, notifícanselles por medio deste anuncio no BOE, no DOG e no taboleiro de anuncios do Concello de Cenlle, aos interesados que resultan descoñecidos, dos cales se ignora o lugar de notificación ou ben, tentada a notificación persoal, non se puido efectuar, as resolucións dos procedementos que se citan a continuación:
Nº expediente |
Nome/DNI/CIF |
Referencia catastral |
Custos da execución subsidiaria |
272/2023 |
Serafina Villar Iglesias |
32026A014001360000TZ |
690,00 € |
120/2023 |
Mercedes Alberte Pousa |
32026A014005800000TX |
276,00 € |
Requírense os propietarios para que no prazo máximo de quince (15) días naturais, contados desde o seguinte ao da publicación deste anuncio no BOE, procedan á limpeza na parcela indicada, de conformidade cos artigos 135 e 136 da Lei 2/2016, do 10 de febreiro, do solo de Galicia.
De non efectuarse os mencionados traballos no prazo fixado, poderase proceder á execución forzosa mediante execución subsidiaria con repercusión dos custos que se ocasionen (artigos 99, 100 e 102 da Lei 39/2015, do 1 de outubro, do procedemento administrativo común das administracións públicas). Todo iso sen prexuízo da instrución do procedemento sancionador que corresponda.
Conforme o establecido nos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, cando os interesados nun procedemento sexan descoñecidos, ou non sexa posible a notificación os interesados, as notificacións efectuaranse por medio dun anuncio publicado no Diario Oficial de Galicia e no Boletín Oficial del Estado cos datos catastrais do terreo, e a eficacia do acto notificado quedará supeditada á publicación no Boletín Oficial del Estado. Unha vez transcorrido o prazo, a notificación enténdese producida.
O texto íntegro do documento e o resto de trámites do expediente poderanse consultar, por comparecencia da persoa interesada, no Departamento de Secretaría do Concello de Cenlle para o seu coñecemento.
Cenlle, 21 de xuño de 2024
Rebeca Sotelo Fernández
Alcaldesa