A Lei orgánica 2/2023, do 22 de marzo, do sistema universitario, na súa disposición adicional decimoprimeira, número 2, establece que os profesores e profesoras titulares de escola universitaria que, no momento da entrada en vigor desta lei orgánica, posúan o título de doutor ou doutora ou o obteñan posteriormente, e se acrediten especificamente no marco do previsto polo artigo 69, accederán directamente ao corpo de profesoras e profesores titulares de universidade nas súas propias prazas.
Una vez solicitada pola persoa interesada, funcionaria do corpo de profesoras e profesores titulares de escola universitaria, a súa integración no corpo de profesoras e profesores titulares de universidade, e acreditados os requisitos exixidos.
Esta reitorado, en uso das atribucións que lle confire o artigo 50 da Lei orgánica 2/2023, do 22 de marzo, do sistema universitario, e os Estatutos da Universidade de Santiago de Compostela, resolve integrar no corpo de profesoras e profesores titulares de universidade o funcionario do corpo de profesoras e profesores titulares de escola universitaria desta universidade que se relaciona a continuación, que queda adscrito ao mesmo departamento, área de coñecemento e centro a que estivese no seu corpo de orixe:
Apelidos e nome |
DNI |
Área de coñecemento |
Data de efectos da integración |
Leránoz Iglesias, Martín Manuel |
***3388** |
Didáctica da Expresión Musical |
6.5.2024 |
Contra esta resolución, que esgota a vía administrativa, poderase interpor recurso contencioso-administrativo no prazo de dous meses, contados desde o día seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Poderase interpor potestativamente recurso de reposición ante o reitor da Universidade de Santiago de Compostela no prazo dun mes, contado a partir do día seguinte ao da súa publicación, sen que neste caso se poida interpor o recurso contencioso-administrativo antes mencionado ata a resolución expresa ou presunta do recurso administrativo de reposición, ao abeiro dos artigos 123 e 124 da Lei de procedemento administrativo común das administracións públicas.
Santiago de Compostela, 1 de xullo de 2024
Antonio López Díaz
Reitor da Universidade de Santiago de Compostela