Mediante o Anuncio do 20 de decembro de 2022, publicado no DOG número 248, do 30 de decembro, anúnciase a convocatoria do proceso selectivo extraordinario de estabilización derivado da Lei 20/2021, do 28 de decembro, de medidas urxentes para a redución da temporalidade no emprego público, pola quenda de acceso libre e mediante o sistema de concurso-oposición, para o ingreso na categoría de técnico medio de persoal laboral fixo do Igape.
Mediante a Resolución do 5 de xuño de 2023, da Dirección Xeral do Igape (DOG núm. 112, do 14 de xuño), noméase a Comisión de Selección do referido proceso selectivo.
Mediante o Acordo do 4 de abril de 2024 (DOG núm. 77, do 18 de abril) a Comisión de Selección publicou a baremación definitiva dos méritos acreditados polas persoas aspirantes que foron admitidas na convocatoria do referido proceso selectivo.
Mediante o Acordo do 18 de abril de 2024 (DOG núm. 86, do 2 de maio) a Comisión de Selección fixo pública a relación de aspirantes que superaron o proceso selectivo e propuxo o nomeamento destes como persoal laboral fixo.
Polo exposto,
RESOLVO:
1. Aprobar a proposta da Comisión de Selección e nomear as persoas que se relacionan no anexo desta resolución como persoal laboral fixo do Instituto Galego de Promoción Económica (Igape), tras a superación do proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición.
2. Notificarlles ás persoas aspirantes que superaron o proceso selectivo que deberán formalizar o seu contrato no prazo dun mes, contado a partir do día seguinte ao da publicación desta resolución no Diario Oficial de Galicia.
3. A adxudicación definitiva das prazas ás persoas aspirantes que superaron o proceso selectivo efectuarase de acordo coas puntuacións obtidas. A dita adxudicación efectuarase despois de que elixan destino definitivo as persoas que pertenzan ao cadro de persoal fixo do Igape que participen nos procedementos de provisión definitiva de postos que convoque o Igape, de acordo coa prelación que se establece na normativa de aplicación.
Contra esta resolución, que esgota a vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Porén, as persoas interesadas poderán interpor un recurso potestativo de reposición, no prazo dun mes, ante o órgano que a ditou. Neste caso, non se poderá interpor o recurso contencioso-administrativo citado en canto non se dite resolución expresa ou presunta do recurso administrativo de reposición, ao abeiro do artigo 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 21 de xuño de 2024
Covadonga Toca Carús
Directora xeral do Instituto Galego de Promoción Económica
ANEXO
Persoas seleccionadas para a contratación como persoal laboral fixo
|
Categoría: técnico/a medio do Igape |
||
|
Orde |
NIF |
Apelidos e nome |
|
1 |
**7858*** |
Orgeira Naya, José Antonio |
|
2 |
**3135*** |
Rodríguez Ormaechea, José Ignacio |