Expediente: IN407A 2024/006-1.
Solicitante/promotor: UFD Distribución Electricidad, S.A.
Denominación: instalación de telecontrol en BEG705 en ANVI61FR//6.
Termo municipal: Bergondo.
1. Características técnicas:
– Instalación dun Interruptor telecontrolado en apoio con matrícula ANVI61FR//6 da LMTA BEG705.
– Como consecuencia desta actuación de mellora, cómpre substituír o apoio de formigón existente ANVI61FR//6 por outro novo, tipo celosía C-3000-16, que se instalará a 50 metros de distancia do apoio actual, para sacalo da zona de servidume dun río; e retensar e trasladar os vans situados entre o apoio ANX7R4CI//5 e a nova localización do apoio ANVI61FR//6, LA-30.
– Para realizar esta actuación, substituirase un van entre o apoio ANVI61FR//6 e o ANT9SU7U//7 e instalarase condutor LA-56.
– Debido ás solicitacións mecánicas da liña, cómpre substituír o apoio de formigón existente ANT9SU7U//7 por un novo apoio tipo celosía C-1000-14, e retensar o van entre os apoios ANT9SU7U//7 e ANR60DA6//8, en LA-56.
– Retíranse os cortacircuítos SXS (15HWN7) do apoio ANVI61FR//6.
– LMTS coa orixe no PAS por instalar no novo apoio ANVI61FR//6 e final nos empalmes por realizar na LMTS a CT caseta Cepiño, en condutor RHZ1-2OL 12/20 KV 3×(1×240) mm2 Al. e cunha lonxitude de 29 m.
2 Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
– Lei 40/2015, do 1 de outubro, do réxime xurídico do sector público (BOE núm. 236, do 2 de outubro).
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Resolución do 19 de febreiro de 2014, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).
– Lei do 16 de decembro de 1954, sobre expropiación forzosa (BOE núm. 351, do 17 de decembro).
– Decreto do 26 de abril de 1957 polo que se aproba o regulamento da Lei de expropiación forzosa (BOE núm. 160, do 20 de xuño).
A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.
A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
A documentación estará á disposición das persoas interesadas nas dependencias da Sección de Enerxía da Dirección Territorial da Consellería de Economía e Industria da Coruña (rúa Vicente Ferrer, núm. 2-2º andar, 15071 A Coruña), entre as 9.00 e as 14.00 horas, de luns a venres, así como no taboleiro de anuncios do concello. Ademais, poderá consultarse no Portal de transparencia e goberno aberto desta consellería:
https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte
Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, se é o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.
A Coruña, 9 de maio de 2024
Isidoro Martínez Arca
Director territorial da Coruña
ANEXO
Relación de bens e dereitos afectados. Termo municipal de Bergondo.
Nº parcela |
Lugar e referencia catastral |
Cultivo |
Propietario |
Afección de solo en pleno dominio |
Afección de solo por servidume de paso de enerxía eléctrica |
||||
Apoio nº |
m2 |
ml aér. |
ml sot. |
m2 aér. |
m2 sot. |
||||
1 |
Lg. Fraga 2427401NH6922N0001PD |
Rústico. Agrario. Labor ou Labradío secaño |
Irmás Mato Ínsua |
6 |
2.0 |
94.0 |
9.0 |
995.0 |
25.0 |
2 |
Lg. Fraga 2127601NH6922N0001LD |
Rústico. Agrario. Labor ou Labradío secaño |
Irmás Mato Ínsua |
12.0 |
538.0 |
||||
3 |
Lg. Callou 2331601NH6923S0001IG |
Rústico. Agrario. Labor ou Labradío secaño |
Irmás Mato Ínsua |
143.0 |
|||||
4 |
Lg. Callou 2132601NH6923N0001YU |
Rústico. Agrario. Labor ou Labradío secaño |
Irmás Mato Ínsua |
65.0 |
884.0 |
Abreviacións:
ml aér.: lonxitude da servidume aérea en metros lineais.
ml sot.: lonxitude da servidume soterrada en metros lineais.
m2 aér.: superficie de servidume aérea en m2.
m2 sot.: superficie de servidume soterrada en m2.