Con data do 15 de marzo de 2024 publicouse a Resolución do 11 de marzo de 2024 pola que se convoca o procedemento de adxudicación de prazas para fillos e fillas do persoal ao servizo do sector público autonómico nas eScolas infantís dependentes da Axencia Galega de Servizos Sociais para o curso 2024/25.
De conformidade co disposto no artigo 14, correspóndelle á persoa titular da Dirección da Axencia Galega de Servizos Sociais no caso da escola infantil de Vite e á persoa titular de cada dirección territorial, por delegación da dirección da Axencia Galega de Servizos Sociais, resolver a aprobación da relación definitiva de persoas admitidas e da lista de espera coas puntuacións obtidas que se poderán consultar nos servizos centrais e nas direccións territoriais da Consellería de Política Social e Igualdade, así como na páxina web https://politicasocial.xunta.gal e nos respectivos centros.
Así mesmo, o seu artigo 15, establece que se publicarán no Diario Oficial de Galicia de conformidade co artigo 45 da Lei 39/2015, do 1 de outubro, do procedemento administrativo común das administracións públicas, entre outras, as correspondentes resolucións. Esta publicación producirá os efectos de notificación.
Así o exposto,
RESOLVO:
Primeiro. Ordenar a publicación no Diario Oficial de Galicia do contido íntegro das resolucións do 20 de maio de 2024, da Dirección da Axencia Galega de Servizos Sociais e das direccións territoriais da Coruña, Lugo, Ourense e Vigo da Consellería de Política Social e Igualdade, polas que se resolve a aprobación da relación definitiva de fillos e fillas do persoal ao servizo do sector público autonómico admitidas/os e da lista de espera para o curso 2024/25 nas escolas infantís 0-3 dependentes desta axencia, que se xuntan á presente resolución nos anexos I, II, III, IV e V, respectivamente.
Segundo. Comunicar que as referidas resolucións do 20 de maio de 2024, que finalizan este procedemento esgotan a vía administrativa e contra elas poderá interpoñerse recurso potestativo de reposición ante o mesmo órgano que as ditou, no prazo dun mes contado a partir da publicación desta resolución no Diario Oficial de Galicia ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte da súa publicación no Diario Oficial de Galicia.
Terceiro. Notificada a resolución, as persoas ás que se adxudicou praza disporán dun prazo de 10 días computado a partir do día seguinte desta publicación para a formalización da matrícula no centro onde obtiveron a dita praza.
Santiago de Compostela, 21 de maio de 2024
O/a director/a da Axencia Galega de Servizos Sociais
P.S. (Disposición transitoria primeira do Decreto 40/2014, do 20 de marzo)
Jacobo Rey Sastre
Director xeral de Familia, Infancia e Dinamización Demográfica
ANEXO I
Resolución do 20 de maio de 2024, da Dirección da Axencia Galega de Servizos Sociais, pola que se aproba a relación definitiva de persoas admitidas e da lista de espera para o curso 2024/25 na escola infantil 0-3 de Vite, dependente desta axencia.
Con data do 15 de marzo publicouse a Resolución do 11 de marzo de 2024 pola que se convoca o procedemento de adxudicación de prazas para fillos e fillas do persoal ao servizo do sector público autonómico nas escolas infantís dependentes da Axencia Galega de Servizos Sociais para o curso 2024/25.
O día 6 de maio de 2024 publicouse a relación provisional de persoas admitidas concedendo un prazo de 5 días para efectuar reclamacións, transcorrido o dito prazo comprobáronse ás reclamacións presentadas.
De conformidade co artigo 14 correspóndelle á persoa titular da dirección da axencia resolver este procedemento mediante a aprobación da relación definitiva de persoas admitidas e da lista de espera coas puntuacións obtidas.
Así o exposto,
RESOLVO:
Primeiro. Aprobar a relación definitiva de persoas admitidas e da lista de espera, onde figura a puntuación obtida, que se poderá consultar desde o día 31 de maio de 2024 na páxina web https://www.xunta.gal/politica-social e na propia escola infantil de Vite.
Cada alumno/a só poderá ser adxudicatario/a dunha praza pública das escolas infantís da Xunta de Galicia.
O prezo mensual polos servizos complementarios que corresponda pagar de acordo coa normativa vixente en materia de prezos públicos consultarase no centro onde se formalice a matrícula.
O prazo para formalizar a matrícula, que se poderá realizar a través da sede electrónica da Xunta de Galicia, https://sede.xunta.gal ou no centro onde obtivesen a dita praza, é de 10 días contados desde o día seguinte da publicación desta resolución, para o que deberá achegarse a seguinte documentación:
– Impreso de matrícula cuberto (pode recollelo no propio centro ou descargar da páxina web http://politicasocial.xunta.gal).
– Copia da cartilla de vacinacións do neno ou da nena.
Segundo. As resolucións ditadas neste procedemento esgotan a vía administrativa e contra elas pode interpoñerse recurso contencioso-administrativo ante o órgano xurisdicional contencioso-administrativo competente, no prazo de dous meses a partir do día seguinte ao da notificación da resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa. En caso de silencio administrativo, o prazo será de seis meses desde o día seguinte a aquel en que a solicitude se entenda desestimada.
Potestativamente e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que ditou o acto, no prazo dun mes a partir do día seguinte ao da notificación da resolución expresa. Se a resolución é presunta, en calquera momento a partir do día seguinte a aquel en que se produza o acto presunto, ao abeiro dos artigos 123 e 124 da Lei 39/2015, do 1 de outubro.
Santiago de Compostela, 20 de maio de 2024. O/a director/a da Axencia Galega de Servizos Sociais. P.S. (Disposición transitoria primeira do Decreto 40/2014, do 20 de marzo); Jacobo Rey Sastre, director xeral de Familia, Infancia e Dinamización Demográfica.
ANEXO II
Resolución do 20 de maio de 2024, da Dirección Territorial da Coruña da Consellería de Política Social e Igualdade, pola que se aproba a relación definitiva de persoas admitidas e da lista de espera para o curso 2024/25 na escola infantil 0-3 Santa María de Oza dependente desta axencia, na provincia da Coruña.
Con data do 15 de marzo de 2024 publicouse a Resolución do 11 de marzo de 2024 pola que se convoca o procedemento de adxudicación de prazas para fillos e fillas do persoal ao servizo do sector público autonómico nas escolas infantís dependentes da Axencia Galega de Servizos Sociais para o curso 2024/25.
O día 6 de maio de 2024 publicouse a relación provisional de persoas admitidas concedendo un prazo de 5 días para efectuar reclamacións, transcorrido o devandito prazo, comprobáronse as reclamacións presentadas.
De conformidade co artigo 14 correspóndelle á persoa titular da dirección da axencia resolver este procedemento mediante a aprobación da relación definitiva de persoas admitidas e da lista de espera coas puntuacións obtidas.
Así o exposto,
RESOLVO:
Primeiro. Aprobar a relación definitiva de persoas admitidas e da lista de espera, onde figura a puntuación obtida, que se poderá consultar desde o día 31 de maio de 2024 na páxina web https://politicasocial.xunta.gal e na escola infantil 0-3 Santa María de Oza.
Cada alumno/a só poderá ser adxudicatario/a de unha praza pública das escolas infantís da Xunta de Galicia.
O prezo mensual que corresponda pagar de acordo coa normativa vixente en materia de prezos públicos consultarase no centro onde se formalice a matrícula.
O prazo para formalizar a matrícula, que se poderá realizar a través da sede electrónica da Xunta de Galicia, https://sede.xunta.gal ou no centro onde se obtivo a praza, é de 10 días contados desde o día seguinte da publicación desta resolución, para o que deberá achegarse a seguinte documentación:
– Impreso de matrícula cuberto (pode recollelo no propio centro ou descargar da páxina web http://politicasocial.xunta.gal).
– Copia da cartilla de vacinacións do neno ou da nena.
Segundo. As resolucións ditadas neste procedemento esgotan a vía administrativa e contra elas pode interpoñerse recurso contencioso-administrativo ante o órgano xurisdicional contencioso-administrativo competente, no prazo de dous meses a partir do día seguinte ao da notificación da resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa. En caso de silencio administrativo, o prazo será de seis meses desde o día seguinte a aquel en que a solicitude se entenda desestimada.
Potestativamente e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que ditou o acto, no prazo dun mes para partir do día seguinte ao da notificación da resolución expresa. Se a resolución é presunta, en calquera momento para partir do día seguinte a aquel en que se produza o acto presunto, ao abeiro dos artigos 123 e 124 da Lei 39/2015, do 1 de outubro.
A Coruña, 20 de maio de 2024. O/a director/a da Axencia Galega de Servizos Sociais. P.D. (Artigo 14.1 da Resolución do 11.3.2024); María Blanco Aller, directora territorial da Consellería de Política Social e Igualdade.
ANEXO III
Resolución do 20 de maio de 2024, da Dirección Territorial de Lugo da Consellería de Política Social e Igualdade, pola que se aproba a relación definitiva de persoas admitidas e da lista de espera para o curso 2024/25 na escola infantil 0-3 Sagrado Corazón, dependente desta axencia na provincia de Lugo.
Con data do 15 de marzo publicouse a Resolución do 11 de marzo de 2024 pola que se convoca o procedemento de adxudicación de prazas para fillos e fillas do persoal ao servizo do sector público autonómico nas escolas infantís dependentes da Axencia Galega de Servizos Sociais para o curso 2024/25.
O día 6 de maio de 2024 publicouse a relación provisional de persoas admitidas concedendo un prazo de 5 días para efectuar reclamacións, transcorrido o dito prazo, comprobáronse as reclamacións presentadas.
De conformidade co artigo 14 correspóndelle á persoa titular da dirección da axencia resolver este procedemento mediante a aprobación da relación definitiva de persoas admitidas e da lista de espera coas puntuacións obtidas.
Así o exposto,
RESOLVO:
Primeiro. Aprobar a relación definitiva de persoas admitidas e da lista de espera, onde figura a puntuación obtida, que se poderá consultar desde o día 31 de maio de 2024 na páxina web https://politicasocial.xunta.gal e na escola infantil Sagrado Corazón.
Cada alumno/a só poderá ser adxudicatario/a dunha praza pública das escolas infantís da Xunta de Galicia.
O prezo mensual polos servizos complementarios que corresponda pagar de acordo coa normativa vixente en materia de prezos públicos consultarase no centro onde se formalice a matrícula.
O prazo para formalizar a matrícula, que se poderá realizar a través da sede electrónica da Xunta de Galicia, https://sede.xunta.gal ou no centro onde obtivesen a dita praza, é de 10 días contados desde o día seguinte ao da publicación desta resolución, para o que deberá achegarse a seguinte documentación:
– Impreso de matrícula cuberto (pode recollelo no propio centro ou descargar da páxina web http://politicasocial.xunta.gal).
– Copia da cartilla de vacinacións do neno ou da nena.
Segundo. As resolucións ditadas neste procedemento esgotan a vía administrativa e contra elas pode interpoñerse recurso contencioso-administrativo ante o órgano xurisdicional contencioso-administrativo competente, no prazo de dous meses a partir do día seguinte ao da notificación da resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa. En caso de silencio administrativo, o prazo será de seis meses desde o día seguinte a aquel en que a solicitude se entenda desestimada.
Potestativamente e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que ditou o acto, no prazo dun mes a partir do día seguinte ao da notificación da resolución expresa. Se a resolución é presunta, en calquera momento a partir do día seguinte a aquel en que se produza o acto presunto, ao abeiro dos artigos 123 e 124 da Lei 39/2015, do 1 de outubro.
Lugo, 20 de maio de 2024. O/a director/a da Axencia Galega de Servizos Sociais. P.D. (Artigo 14.1 da Resolución do 11.3.2024); Francisco Javier Vázquez Nodal, director territorial de Lugo da Consellería de Política Social e Igualdade.
ANEXO IV
Resolución do 20 de maio de 2024, da Dirección Territorial de Ourense da Consellería de Política Social e Igualdade, pola que se aproba a relación definitiva de persoas admitidas e da lista de espera para o curso 2024/25 na escola infantil 0-3 Antela, dependente desta axencia na provincia de Ourense.
Con data do 15 de marzo publicouse a Resolución do 11 de marzo de 2024 pola que se convoca o procedemento de adxudicación de prazas para fillos e fillas do persoal ao servizo do sector público autonómico nas escolas infantís dependentes da Axencia Galega de Servizos Sociais para o curso 2024/25.
O día 6 de maio de 2024 publicouse a relación provisional de persoas admitidas concedendo un prazo de 5 días para efectuar reclamacións, transcorrido o dito prazo, comprobáronse as reclamacións presentadas.
De conformidade co artigo 14 correspóndelle á persoa titular da dirección da axencia resolver este procedemento mediante a aprobación da relación definitiva de persoas admitidas e da lista de espera coas puntuacións obtidas.
Así o exposto,
RESOLVO:
Primeiro. Aprobar a relación definitiva de persoas admitidas e da lista de espera, onde figura a puntuación obtida, que se poderá consultar desde o día 31 de maio de 2024 na páxina web https://politicasocial.xunta.gal e na escola infantil Antela.
Cada alumno/a só poderá ser adxudicatario/a dunha praza pública das escolas infantís da Xunta de Galicia.
O prezo mensual polos servizos complementarios que corresponda pagar de acordo coa normativa vixente en materia de prezos públicos consultarase no centro onde se formalice a matrícula.
O prazo para formalizar a matrícula, que se poderá realizar a través da sede electrónica da Xunta de Galicia, https://sede.xunta.gal ou no centro onde obtivesen a dita praza, é de 10 días contados desde o día seguinte da publicación desta resolución, para o que deberá achegarse a seguinte documentación:
– Impreso de matrícula cuberto (pode recollelo no propio centro ou descargar da páxina web http://politicasocial.xunta.gal).
– Copia da cartilla de vacinacións do neno ou da nena.
Segundo. As resolucións ditadas neste procedemento esgotan a vía administrativa e contra elas pode interpoñerse recurso contencioso-administrativo ante o órgano xurisdicional contencioso-administrativo competente, no prazo de dous meses a partir do día seguinte ao da notificación da resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa. En caso de silencio administrativo, o prazo será de seis meses desde o día seguinte a aquel en que a solicitude se entenda desestimada.
Potestativamente e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que ditou o acto, no prazo dun mes a partir do día seguinte ao da notificación da resolución expresa. Se a resolución é presunta, en calquera momento a partir do día seguinte a aquel en que se produza o acto presunto, ao abeiro dos artigos 123 e 124 da Lei 39/2015, do 1 de outubro.
Ourense, 20 de maio de 2024. O/a director/a da Axencia Galega de Servizos Sociais. P.D. (Artigo 14.1 da Resolución do 11.3.2024); María José Fernández Laso, directora territorial de Ourense da Consellería de Política Social e Igualdade.
ANEXO V
Resolución do 20 de maio de 2024, da Dirección Territorial de Vigo da Consellería de Política Social e Igualdade, pola que se aproba a relación definitiva de persoas admitidas e da lista de espera para o curso 2024/25 na escola infantil 0-3 do Edificio Administrativo de Pontevedra, na escola infantil 0-3 A Estrela do Edificio Administrativo de Vigo e na escola infantil 0-3 da Cidade da Xustiza, dependentes desta axencia, na provincia de Pontevedra.
Con data do 15 de marzo publicouse a Resolución do 11 de marzo de 2024 pola que se convoca o procedemento de adxudicación de prazas para fillos e fillas do persoal ao servizo do sector público autonómico nas escolas infantís dependentes da Axencia Galega de Servizos Sociais para o curso 2024/25.
O día 6 de maio de 2024 publicouse a relación provisional de persoas admitidas concedendo un prazo de 5 días para efectuar reclamacións, transcorrido o dito prazo, comprobáronse as reclamacións presentadas.
De conformidade co artigo 14 correspóndelle á persoa titular da dirección da axencia resolver este procedemento mediante a aprobación da relación definitiva de persoas admitidas e da lista de espera coas puntuacións obtidas.
Así o exposto,
RESOLVO:
Primeiro. Aprobar a relación definitiva de persoas admitidas e da lista de espera, onde figura a puntuación obtida, que se poderá consultar desde o día 31 de maio de 2024 na páxina web https://politicasocial.xunta.gal e nos respectivos centros.
Cada alumno/a só poderá ser adxudicatario/a dunha praza pública das escolas infantís da Xunta de Galicia.
O prezo mensual polos servizos complementarios que corresponda pagar de acordo coa normativa vixente en materia de prezos públicos consultarase no centro onde se formalice a matrícula.
O prazo para formalizar a matrícula, que se poderá realizar a través da sede electrónica da Xunta de Galicia, https://sede.xunta.gal ou no centro onde obtivesen a dita praza, é de 10 días contados desde o día seguinte da publicación desta resolución, para o que deberá achegarse a seguinte documentación:
– Impreso de matrícula cuberto (pode recollelo no propio centro ou descargar da páxina web http://politicasocial.xunta.gal).
– Copia da cartilla de vacinacións do neno ou da nena.
Segundo. As resolucións ditadas neste procedemento esgotan a vía administrativa e contra elas pode interpoñerse recurso contencioso-administrativo ante o órgano xurisdicional contencioso-administrativo competente, no prazo de dous meses a partir do día seguinte ao da notificación da resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa. En caso de silencio administrativo, o prazo será de seis meses desde o día seguinte a aquel en que a solicitude se entenda desestimada.
Potestativamente e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que ditou o acto, no prazo dun mes a partir do día seguinte ao da notificación da resolución expresa. Se a resolución é presunta, en calquera momento a partir do día seguinte a aquel en que se produza o acto presunto, ao abeiro dos artigos 123 e 124 da Lei 39/2015, do 1 de outubro.
Vigo, 20 de maio de 2024. O/a director/a da Axencia Galega de Servizos Sociais. P.D. (Artigo 14.1 da Resolución do 11.3.2024); Mª Ángeles Rouco Fernández, directora territorial de Vigo da Consellería de Política Social e Igualdade.