Ante a imposibilidade de efectuar a comunicación ás persoas titulares das parcelas con referencias catastrais que se relacionan a continuación, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícaselles ás persoas responsables a obriga legal de xestión da biomasa e retirada de especies arbóreas, que deberán levar a cabo no prazo de quince (15) días naturais, que se contarán desde o día seguinte ao da publicación deste anuncio no Boletín Oficial del Estado (BOE), segundo o establecido nos artigos 135 e 136 da Lei 2/2016, do 10 de febreiro, do solo de Galicia, e artigos 21 e 22 da Lei 3/2007, do 9 de abril, de prevención e defensa contra os incendios forestais de Galicia.

A eficacia do acto notificado quedará demorada ata a publicación do anuncio pertinente no taboleiro de edictos único (TEU) do BOE.

Así mesmo, comunícaselles ás persoas responsables que o contido íntegro das ditas notificacións, así como da totalidade do expediente administrativo, está á súa disposición no Servizo de Medio Ambiente do Concello de Bergondo, na estrada da Coruña, número 12, 15165 Bergondo (A Coruña).

Número de expediente	Referencia catastral	Localización
2024/V001/000032	15008A018001320000XX	Polígono 18, parcela 132, A Fraga
2024/V001/000032	1500A018001600000XO	Polígono 18, parcela 160, A Fraga

Advírteselles ás persoas responsables que se procederá á imposición de multas coercitivas ata lograr o cumprimento da obriga legal de xestión da biomasa e retirada de especies arbóreas, sen prexuízo da apertura do oportuno expediente sancionador.

Bergondo, 18 de abril de 2024

Alejandra Pérez Máquez
Alcaldesa presidenta