Advertidos erros na citada resolución, publicada no Diario Oficial de Galicia número 85, do martes 30 de abril de 2024, procede realizar as seguintes correccións:
– Na páxina 26809, onde di: «O exercicio sobre o contido da parte común do programa (temas un a oito, ambos os dous inclusive) terá carácter obrigatorio e non eliminatorio para todos/as os/as aspirantes», debe dicir: «O exercicio sobre o contido da parte común do programa (temas un a oito, ambos os dous incluídos) terá carácter obrigatorio e non eliminatorio para todos/as os/as aspirantes, coa excepción daqueles/as que participen pola quenda de promoción interna, que estarán exentos/as da súa realización».
– Na páxina 26816, onde di: «9.6. As prazas adxudicaranse entre os/as aspirantes pola orde de puntuación acadada no concurso-oposición segundo a prelación de destino/s que tiveran efectuado, que terá carácter vinculante e irrenunciable salvo a alteración que resulte da aplicación da base 9.7», debe dicir: «9.6. As prazas adxudicaranse entre os/as aspirantes pola orde de puntuación acadada no concurso-oposición, con preferencia a favor dos/das aspirantes que accederon pola quenda de promoción interna, salvo a alteración que resulte da aplicación da base 9.7 e segundo a prelación de destino/s que efectuasen, que terá carácter vinculante e irrenunciable».
– Na páxina 26828, en relación co segundo exercicio, sobre o contido da parte común do programa, engádese o seguinte parágrafo: «Estarán exentos da realización deste exercicio da parte común os/as aspirantes que participen pola quenda de promoción interna. Nas listaxes de puntuación da fase de oposición asignaránselles ás persoas aspirantes que participen por esta quenda 5 puntos nesta epígrafe».