A Xunta de Goberno Local do Concello de Santiago de Compostela, na sesión que tivo lugar o día 19 de febreiro de 2024, adoptou o seguinte acordo:
Primeiro. Tomar coñecemento da anulación parcial por Sentenza núm. 284/2023 do Xulgado do Contencioso-Administrativo núm. 2 de Santiago de Compostela do Acordo da Xunta de Goberno do 6 de xuño de 2022, no punto relativo á suspensión das obras de reforma no ámbito do Plan especial director de ordenación e rehabilitación do Camiño Francés de Santiago (PE-3).
Segundo. Publicar no Diario Oficial de Galicia a nova redacción do alcance da suspensión derivada do acordo de aprobación inicial do citado plan especial, como a seguir se indica:
Por aplicación do disposto nos artigos 47.2 da Lei 2/2016, do solo de Galicia e 86, do seu regulamento, o acordo de aprobación inicial determina a suspensión do outorgamento de licenzas de edificación, parcelación e derruba no ámbito do Plan especial durante o prazo máximo de dous anos, contado desde o día 6 de xuño de 2022.
A suspensión afecta tamén as seguintes actividades:
– A implantación de usos ou actividades non permitidas polo plan especial.
– A autorización de usos e obras provisionais en solo urbanizable que non teñan aprobado definitivamente a súa ordenación detallada, agás xustificación da necesidade da súa implantación e informe favorable da Comisión Asesora.
A suspensión non afectará as obras de reforma, agás cando concorra algunha das seguintes circunstancias:
– Cando impliquen unha reconstrución total do edificio, non xustificada en razóns de urxencia.
– Cando supoñan un aumento do volume edificado.
– Cando incidan na composición xeral exterior ou no conxunto do sistema estrutural.
– Cando teñan por obxecto cambiar os usos característicos do edificio.
Santiago de Compostela, 8 de marzo de 2024
A alcaldesa
P.D. (DEC/2023/8135, do 17 de xuño)
Iago Lestegás Tizón
Concelleiro delegado de Urbanismo, Vivenda e Cidade Histórica