De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícase aos herdeiros de Ramón Arcos Ordóñez ou a calquera outra persoa física ou xurídica que acredite dereitos e/ou intereses sobre o departamento 4-Novo do porto de Rianxo (A Coruña), Acordo de iniciación de procedemento de desafiuzamento administrativo por non ser posible a notificación a través do servizo de Correos no último domicilio coñecido.
O expediente tramítase por atoparse extinguida a autorización de ocupación, e non ser factible a súa renovación pola falla de concorrencia dos requisitos exixibles, incluídas as débedas existentes.
O presente acto administrativo emíteo o presidente da entidade pública Portos de Galicia en aplicación do artigo 229 da Lei 6/2023, do 2 de novembro, do patrimonio da Comunidade Autónoma de Galicia, e do artigo 148 da Lei 6/2017, do 12 de decembro, de portos de Galicia.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
Outórgase trámite de audiencia por un prazo máximo de 10 días naturais contados desde a publicación da presente cédula no Boletín Oficial del Estado, durante o cal poderán formularse alegacións e presentarse os documentos ou xustificacións que se xulguen pertinentes.
A instrución do procedemento recae en Jesús Javier Fernández Barro, xefe da División Xurídica de Portos de Galicia, sendo o ser réxime de abstención e recusación o previsto nos artigos 23 e 24 da Lei 40/2015, de réxime xurídico do sector público.
A competencia para resolver o presente procedemento, de acordo co previsto no artigo 148.3 da Lei 6/2017, do 12 de decembro, de portos de Galicia (en diante, LPG), corresponde á Presidencia da EPE Portos de Galicia.
A resolución que se emita no procedemento será inmediatamente executiva e, de ser preciso o desafiuzamento, será executado co auxilio das forzas e corpos da seguridade do Estado.
Contra o presente acto administrativo de iniciación non se admitirán accións interditais ou para a tutela sumaria da posesión das previstas na Lei de axuizamento civil.
Para ao seu exame, o expediente atópase nas dependencias dos Servizos Centrais de Portos de Galicia en Área central, Praza de Europa, 5-A, 6º, Santiago de Compostela.
Santiago de Compostela, 31 de xaneiro de 2024
José Antonio Álvarez Vidal
Presidente de Portos de Galicia