Para os efectos previstos na disposición transitoria décimo terceira da Lei 7/2012, do 28 de xuño, de montes de Galicia, dáselle publicidade ao Acordo do Xurado Provincial de Clasificación de Montes Veciñais en Man Común de Pontevedra, do 2 de outubro de 2023, ao respecto da revisión do esbozo e elaboración da cartografía actualizada do monte veciñal denominado Sela da Comunidade de Montes Veciñais en Man Común de Sela, no concello de Arbo (expediente RE22056).
O 22.9.2023, o Servizo de Montes desta xefatura territorial emite o seguinte informe:
«Feitos:
Primeiro. O 30.9.2022 e número de solicitude 2022/2404730, a Comunidade de Montes Veciñais en Man Común (en diante, CMVMC) de Sela solicita a revisión parcial do esbozo do monte Sela (Resolución de clasificación do 13.11.1979). A dita solicitude deu lugar á apertura do expediente RE22056. Consta no expediente:
– Memoria técnica da revisión parcial do esbozo do monte Sela de agosto de 2022, asinada pola enxeñeira técnica forestal núm. 482 do COETF de Galicia e memoria explicativa de xullo de 2023.
– Certificado do secretario da CMVMC de Sela do 15.2.2022 da aprobación da revisión parcial do esbozo, na asemblea do 12.2.2021.
– Cartografía en formato dixital da liña levantada e axuste desa liña co resto do esbozo.
O monte Sela está afectado na súa maior parte polo antigo monte de utilidade pública (en diante, MUP), núm. 164 do Catálogo, deslindado e amolloado. Nesta revisión parcial, só 2,88 km dos 8,91 km revisados, non están afectados polo MUP.
Segundo a memoria técnica levouse a cabo un levantamento topográfico de 448 puntos con GPS de precisión centimétrica. Corresponde a maioría deses puntos aos marcos do antigo MUP 164 Chan de Rozadas, polo que non existe practicamente desviación e a que existe (referida na memoria en cor amarela), xustifícase pola medición dos muros que separan os predios particulares.
A CMVMC de Sela ten un deslindamento en tramitación coa CMVMC de Cabeiras (expediente DC22017). Esta revisión e o axuste está de acordo con este deslindamento.
A revisión parcial do esbozo de Sela afecta o esbozo da CMVMC de Barcela, pero queda xustificado na memoria esa afección pola existencia e medición dos marcos dos MUP 161, 162 e 164 (no punto 1 desta revisión, conflúen os marcos: 167 do MUP 161, 1 do MUP 162 e do MUP 164) e a titularidade a nome de Sela, da parcela catastral 36001A05000025 (parte está dentro do esbozo de Barcela).
Segundo. O obxecto desta revisión parcial é o MVMC de Sela (ID 2448 ) con Resolución de clasificación do 13.11.1979 e unha superficie de 269 ha.
Segundo os datos do Sistema rexistral forestal, o convenio que tiña coa Consellería do Medio Rural, con elenco núm. 3615685, foi rescindido o 17.7.2023. Dispón dun documento de ordenación forestal inscrito no Rexistro de Montes Ordenados de Galicia co núm. 360295.
Terceiro. A revisión parcial da liña (medición de 448 puntos con coordenadas UTM (ETRS 89) máis o axuste co resto do esbozo engroba unha superficie de 230,85 ha (fronte as 269 ha clasificadas), descontada a superficie encravada (20,16 ha), e ten os mesmos límites xerais que os da clasificación:
Monte: Sela.
Superficie: 230,85 ha.
Encravados (xa descontados da superficie total): 20,16 ha.
Cuarto. O 1.3.2023, o Xurado Provincial de MVMC de Pontevedra acorda solicitar ao Servizo de Montes unha proposta coa revisión e elaboración da cartografía actualizada do monte veciñal clasificado a favor da CMVMC de Sela (Arbo), expediente RE22056, coa finalidade de dar cumprimento ao establecido na disposición transitoria décimo terceira da Lei 7/2012, do 28 de xuño, de montes de Galicia.
Consideracións legais e técnicas:
Primeira. A Lei 7/2012, do 28 de xuño, de montes de Galicia (en diante, LMG), na súa disposición transitoria décimo terceira, establece o procedemento de revisión de esbozos de montes veciñais en man común.
Segunda. A revisión parcial do esbozo do monte Sela (ID 2448) pertencente á CMVMC de Sela proposta polo Servizo de Montes é a presentada pola Comunidade e queda definido consonte os datos reflectidos no antecedente de feito terceiro, as coordenadas UTM (ETRS 89) dos puntos medidos con GPS e a cartografía que acompañan a este informe».
Vista a proposta de revisión presentada polo Servizo de Montes sobre a adaptación do esbozo do monte veciñal denominado Sela e de conformidade co previsto na disposición transitoria décimo terceira da Lei 7/2012, do 28 de xuño, de montes de Galicia, este xurado por unanimidade dos seus membros,
ACORDA:
Aprobar a revisión parcial do esbozo do monte veciñal denominado Sela clasificado a prol da CMVMC de Sela (Arbo), segundo a proposta do Servizo de Montes e a planimetría elaborada por este.
Pontevedra, 29 de decembro de 2023
Antonio Crespo Iglesias
Presidente do Xurado Provincial de Montes Veciñais
en Man Común de Pontevedra