Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común do Sisto e Lamas (concello de Forcarei), ao respecto da estrema común dos seus montes (expediente DC22056).
Feitos:
Primeiro. O 28.9.2022, o presidente da comunidade de montes veciñais en man común (en diante, CMVMC) do Sisto presenta no rexistro electrónico da Xunta de Galicia co núm. de entrada 2022/2383427, solicitude de deslindamento entre a CMVMC do Sisto e a CMVMC de Lamas, ambas no concello de Forcarei.
Os montes veciñais en man común (en diante, MVMC) afectados por este deslindamento son:
– MVMC do Sisto (ID monte: 2708) da CMVMC do Sisto.
– MVMC de Lamas (ID monte: 2704) da CMVMC de Lamas.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 16.8.2021.
– Acta de conciliación (X53 conciliación 0000509/2022) entre as comunidades no Xulgado de Primeira Instancia e Instrución número 1 da Estrada o 14.12.2022.
– Certificados da aprobación do deslindamento nas asembleas xerais de ambas as CMVMC: CMVMC do Sisto o 12.8.2021 e a CMVMC de Lamas o 14.8.2021.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 27.4.2023 polo técnico colexiado núm. 740 do COETF de Galicia.
– Informe de validación gráfica catastral con CSV: 4NKA4H5R629NDC38 (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 1.281 metros e está composta polos seguintes puntos:
Punto P01 - |
x: 558.408,33 |
y: 4.707.324,78 |
Punto P02 - |
x: 558.422,26 |
y: 4.706.659,17 |
Punto P03 - |
x: 558.385,27 |
y: 4.706.557,71 |
Punto P04 - |
x: 558.257,62 |
y: 4.706.248,02 |
Punto P05 - |
x: 558.220,59 |
y: 4.706.167,72 |
Revisada a cartografía das resolucións de clasificación de ambos os MVMC, detéctase que existe estrema entre ambos e non afecta terceiros propietarios.
A liña do deslindamento non está definida por tramos rectos entre os seus puntos. A traxectoria vén definida polo medio da pista forestal (tramo entre os puntos P01-P02) e da devasa (tramo entre os puntos P02-P05).
O punto P01 é o punto no cal converxen a CMVMC de Soutelo de Montes, a CMVMC de Lamas e a CMVMC do Sisto, e coincide co punto 55 do expediente DC22102 (deslindamento entre a CMVMC de Soutelo de Montes e CMVMC de Lamas) e co punto 1 do expediente DC22104 (deslindamento entre as CMVMC de Soutelo de Montes e CMVMC do Sisto).
O deslindamento establécese mediante acordo das comunidades implicadas nel.
A liña do deslindamento produce unha modificación na cartografía dos esbozos de clasificación das seguintes comunidades:
– CMVMC do Sisto: o punto P01 pecha a liña do deslindamento co resto do esbozo a través do expediente DC22104. E achega un pequeno axuste para pechar o punto P05 do deslindamento co resto do esbozo do seu MVMC
– CMVMC de Lamas: o punto P01 pecha a liña do deslindamento co resto do esbozo a través do expediente DC22102. E achega un pequeno axuste para pechar o punto P05 do deslindamento co resto do esbozo do seu MVMC
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC do Sisto e a CMVMC de Lamas, ambas no concello de Forcarei, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 22 de decembro de 2023
Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra