Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Gontade e Toxeiras (concello de Cuntis), ao respecto da estrema común dos seus montes (expediente DC22051).
Feitos:
Primeiro. O 28.9.2022, o presidente da comunidade de montes veciñais en man común (en diante, CMVMC) de Gontade presentou no rexistro electrónico da Xunta de Galicia, co núm. de entrada 2022/2381684, a solicitude de deslindamento entre a CMVMC de Gontade e a CMVMC de Toxeiras, ambas no concello de Cuntis.
Os montes veciñais en man común (en diante MVMC) afectados por este deslindamento son:
– MVMC de Xesteiras (ID monte: 2651) da CMVMC de Gontade.
– MVMC de Baixo de Balboa (ID monte: 2655) da CMVMC de Toxeiras.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 21.9.2022.
– Acta de conciliación nº 9/22 entre as comunidades no Xulgado de Paz de Cuntis o 22.2.2023.
– Certificados da aprobación do deslindamento nas asembleas xerais de ambas as CMVMC: CMVMC de Gontade o 16.10.2022 e CMVMC de Toxeiras o 15.10.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 29.11.2022 polo técnico colexiado núm. 740 do COETF de Galicia.
– Informe de validación gráfica catastral con CSV: 65WHCN86HH7WMGC5 (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 1.302 metros e está composta polos seguintes puntos:
Punto P01- |
x: 533.652,63 |
y: 4.722.646,09 |
Punto P02- |
x: 533.773,22 |
y: 4.722.755,60 |
Punto P03- |
x: 533.794,04 |
y: 4.722.733,03 |
Punto P04- |
x: 533.890,31 |
y: 4.722.860,37 |
Punto P05- |
x: 533.970,92 |
y: 4.722.928,40 |
Punto P06- |
x: 534.073,36 |
y: 4.722.983,03 |
Punto P07- |
x: 534.080,50 |
y: 4.723.037,71 |
Punto P08- |
x: 534.077,25 |
y: 4.723.219,86 |
Punto P09- |
x: 534.058,68 |
y: 4.723.357,11 |
Punto P10- |
x: 534.054,92 |
y: 4.723.450,13 |
Punto P11- |
x: 534.071,96 |
y: 4.723.737,31 |
Revisada a cartografía das resolucións de clasificación de ambos os MVMC, detéctase que existe estrema entre ambos e non afecta terceiros propietarios.
O deslindamento está formado por 2 tramos:
Tramo 1: punto P01-punto P02.
Tramo 2: punto P03-punto P11.
O tramo 1 respecta o límite das parcelas pertencentes á CMVMC de Toxeiras incluídas na concentración parcelaria de Piñeiro-Estacas-Cuntis 1º.
Entre os puntos P02 e P03 respéctase o dominio público da estrada; neste tramo non existe estrema entre ambos os montes (o deslindamento realizarase coa Administración competente).
O punto P11 é o punto no cal converxen a CMVMC de Gontade, a CMVMC de Toxeiras e a CMVMC de Piñeiro (menos Gontade) e coincide co punto 5 do expediente DC22126 (deslindamento entre a CMVMC de Piñeiro (menos Gontade) e CMVMC de Toxeiras). Ambos os puntos presentan unha pequena desviación, asociada á precisión dos diferentes aparellos topográficos empregados na medición.
A liña de deslindamento produce modificacións na cartografía dos esbozos de clasificación das seguintes comunidades:
– CMVMC de Toxeiras: achega uns pequenos axustes para pechar o punto P01 e o punto P11 (non ten en conta o expediente DC22126) do deslindamento co resto do esbozo do MVMC. O Servizo de Montes executa un axuste do esbozo segundo o actual deslindamento e o expediente DC22126
– CMVMC de Gontade: achega uns pequenos axustes para pechar o punto 11 (coincidente co axuste do expediente DC22126) e o punto P01 do deslindamento co resto do esbozo do MVMC.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Gontade e a CMVMC de Toxeiras, ambas no concello de Cuntis, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 22 de decembro de 2023
Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra