Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Moreira e Alxán de Arriba (concello de Soutomaior), ao respecto da estrema común dos seus montes (expediente DC22076).
Feitos:
Primeiro. O 28.9.2022, o presidente da comunidade de montes veciñais en man común (en diante, CMVMC) de Moreira presentou no rexistro electrónico da Xunta de Galicia, co núm. de entrada 2022/2384355, solicitude de deslindamento entre a CMVMC de Moreira e a CMVMC de Alxán de Arriba, ambas no concello de Soutomaior.
Os montes veciñais en man común (en diante, MVMC) afectados por este deslindamento son:
– MVMC de MVMC Espiñeiro (ID monte: 3145) da CMVMC de Moreira.
– MVMC de Pedroso e Laxial (ID monte: 3151) da CMVMC de Alxán de Arriba.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 9.2.2022.
– Acta de conciliación nº 11/22 entre as comunidades no Xulgado de Paz de Soutomaior o 9.12.2022.
– Certificados da aprobación do deslindamento nas asembleas xerais de ambas as CMVMC: CMVMC de Alxán de Arriba o 9.4.2022 e CMVMC de Moreira o 14.4.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 7.4.2022 polo técnico colexiado núm. 740 do COETF de Galicia.
– Informes de validación gráfica catastral cos CSV: NNKVP5PXP08JGCEH e M8FBG4HVX1BYEY97 (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 536 metros e está composta polos seguintes puntos:
Punto P01- |
x: 534.849,00 |
y: 4.684.810,00 |
Punto P02- |
x: 534.891,14 |
y: 4.684.946,68 |
Punto P03- |
x: 534.969,88 |
y: 4.685.154,95 |
Punto P04- |
x: 535.026,78 |
y: 4.685.222,41 |
Punto P05- |
x: 535.009,55 |
y: 4.685.302,95 |
Revisada a cartografía das resolucións de clasificación de ambos os MVMC, detéctase que existe estrema entre ambos e non afecta terceiros propietarios.
O punto P01 é o punto no cal converxen a CMVMC de Espiñeiro, a CMVMC de Alxán de Arriba e a CMVMC do Viso, e coincide co punto 1 do expediente DC22002 (deslindamento entre a CMVMC do Viso e CMVMC de Alxán de Arriba) e co punto 1 do expediente DC22009 (deslindamento entre as CMVMC do Viso e CMVMC de Moreira).
A liña do deslindamento non respecta a liña do Instituto Xeográfico Nacional entre os concellos de Soutomaior e Redondela. O deslindamento establécese mediante acordo das comunidades implicadas nel.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC de Alxán de Arriba: achega un pequeno axuste para pechar o punto P05 do deslindamento co seu MVMC. O Servizo de Montes executa un axuste do esbozo segundo o deslindamento actual e o expediente DC22002.
– CMVMC de Moreira: achega un pequeno axuste para pechar o punto P05 do deslindamento co seu MVMC. O Servizo de Montes executa un axuste do esbozo para pechar o deslindamento actual cos deslindamentos: expediente DC22009 (deslindamento entre as CMVMC do Viso e CMVMC de Moreira) e o expediente DC22077 (deslindamento entre a CMVMC de Moreira e a CMVMC de Lourido).
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Moreira e a CMVMC de Alxán de Arriba, ambas no concello de Soutomaior, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 22 de decembro de 2023
Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra