Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Ribadetea (concello de Ponteareas) e Louredo (concello de Mos), ao respecto da estrema común dos seus montes (expediente DC22015).
Feitos:
Primeiro. O 18.9.2022, o presidente da comunidade de montes veciñais en man común (en diante, CMVMC) de Ribadetea presentou no rexistro electrónico da Xunta de Galicia, co núm. de entrada 2022/2292161, a solicitude de deslindamento entre a CMVMC de Ribadetea (Ponteareas) e a CMVMC de Louredo (Mos).
Os montes veciñais en man común (en diante, MVMC) afectados por este deslindamento son:
– MVMC de Salgueirón e Covas, Carballiños, Portela de Ribeira, Santa Cruz, Lombo de Arca e Rego da Besta (ID monte: 3018) da CMVMC de Ribadetea.
– MVMC de Louredo (ID monte: 2900) da CMVMC de Louredo.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta de apeo do deslindamento o 21.1.2022.
– Acta de conciliación nº 7/2022 entre as comunidades no Xulgado de Paz do 16.9.2022.
– Certificados da aprobación do deslindamento nas asembleas xerais de ambas as CMVMC: CMVMC do Ribadetea o 10.4.2022 e CMVMC de Louredo o 15.5.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado en xullo de 2022 polo técnico colexiado núm. 1227 do COETF de Galicia.
– Informes de validación gráfica catastral cos CSV: 40E2TNR042JW843J e 0TYACR08MRMEFKGW (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 1565 metros e está composta polos seguintes puntos:
Punto 0- |
x: 535.379,5128 |
y: 4.673.032,7539 |
Punto 1- |
x: 535.431,4316 |
y: 4.673.267,9825 |
Punto 2- |
x: 535.332,5223 |
y: 4.673.566,8812 |
Punto 3- |
x: 535.262,8990 |
y: 4.673.721,4539 |
Punto 4- |
x: 535.217,6340 |
y: 4.673.836,6016 |
Punto 5- |
x: 535.390,3205 |
y: 4.674.038,9404 |
Punto 6- |
x: 535.485,2918 |
y: 4.674.165,6207 |
Punto 7- |
x: 535.532,4736 |
y: 4.674.228,0129 |
Punto 8- |
x: 535.608,1350 |
y: 4.674.427,9719 |
Revisada a cartografía das resolucións de clasificación de ambos os MVMC, detéctase que existe estrema entre ambos e non afecta terceiros propietarios.
O punto 0 é o punto no cal converxen a CMVMC de Mos, a CMVMC de Louredo, a CMVMC de Ribadetea e a CMVMC de Xinzo. É coincidente coa Avinza 4/2012 (expediente actual DC23002) Mos-Xinzo, e coa Avinza 5/2012 (expediente actual DC23002) Xinzo-Ribadetea e o punto D15 do expediente DC22014 (deslindamento entre a CMVMC de Mos e CMVMC Louredo no concello de Mos).
A liña do deslindamento non respecta a liña do Instituto Xeográfico Nacional entre os concellos de Ponteareas e Mos. O deslindamento establécese mediante acordo das comunidades implicadas nel.
A liña de deslindamento produce modificacións na cartografía dos esbozos de clasificación das seguintes comunidades:
– CMVMC de Ribadetea: o expediente de revisión de esbozo RE22034 xa recolle o deslindamento actual.
– CMVMC de Louredo: achega un pequeno axuste para pechar o punto 8 do deslindamento co resto do esbozo do seu MVMC. No punto 0 pecha o esbozo tendo en conta o expediente DC22014.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Ribadetea (Ponteareas) e a CMVMC de Louredo (Mos), respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 22 de decembro de 2023
Antonio Crespo Iglesias
Presidente do Xurado Provincial de Clasificación de Montes
Veciñais en Man Común de Pontevedra