Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Couso e Peitieiros (concello de Gondomar), ao respecto da estrema común dos seus montes (expediente DC22013).
Feitos:
Primeiro. O 9.9.2022, o presidente da comunidade de montes veciñais en man común (en diante, CMVMC) de Couso presentou no rexistro electrónico da Xunta de Galicia, co núm. de entrada 2022/2228702, a solicitude de deslindamento entre a CMVMC de Couso e a CMVMC de Peitieiros (concello de Gondomar).
Os montes veciñais en man común (en diante, MVMC) afectados por este deslindamento son:
– MVMC de Couso (ID monte: 2778) da CMVMC de Couso.
– MVMC de Peitieiros (ID monte: 2783) da CMVMC de Peitieiros.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 26.4.2022.
– Acta de conciliación nº 8/2022 entre as comunidades no Xulgado de Paz de Gondomar o 8.9.2022.
– Certificados da aprobación do deslindamento nas asembleas xerais de ambas as CMVMC: CMVMC de Couso o 12.6.2022 e CMVMC de Peitieiros o 26.6.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 8.9.2022 polo técnico colexiado núm. 1333 do COETF de Galicia.
– Informe de validación gráfica catastral con CSV: RTVHQTP2J4GGAXSH (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 866 metros e está composta polos seguintes puntos:
Punto 1- |
x: 522.805,223 |
y: 4.658.302,86 |
Punto 2- |
x: 522.761,151 |
y: 4.658.372,16 |
Punto 3- |
x: 522.717,214 |
y: 4.658.437,11 |
Punto 4- |
x: 522.675,301 |
y: 4.658.446,54 |
Punto 5- |
x: 522.631,194 |
y: 4.658.469,08 |
Punto 6- |
x: 522.581,993 |
y: 4.658.492,42 |
Punto 7- |
x: 522.543,555 |
y: 4.658.519,21 |
Punto 8- |
x: 522.486,966 |
y: 4.658.618,08 |
Punto 9- |
x: 522.414,607 |
y: 4.658.720,08 |
Punto 10- |
x: 522.397,835 |
y: 4.658.758,41 |
Punto 11- |
x: 522.183,700 |
y: 4.658.984,10 |
Punto 12- |
x: 522.169,466 |
y: 4.659.098,90 |
Punto 13- |
x: 522.157,029 |
y: 4.659.118,34 |
Punto 14- |
x: 522.105,393 |
y: 4.659.280,16 |
Punto 15- |
x: 522.078,327 |
y: 4.659.368,37 |
Revisada a cartografía das resolucións de clasificación de ambos os MVMC, detéctase que existe estrema na totalidade do deslindamento e non afecta terceiros propietarios.
O deslindamento está formado por 3 tramos:
Tramo 1: punto 1-punto 10.
Tramo 2: punto 11-punto 13.
Tramo 3: punto14-punto15.
No tramo 3 a CMVMC de Couso establece a estrema mediante un pequeno axuste do esbozo.
Ambos os MVMC achegan uns pequenos axustes para pechar o punto 1, o punto 10, o punto 13, o punto 14 e o punto 15 do deslindamento co resto dos seus esbozos.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Couso e a CMVMC de Peitieiros, ambas no concello de Gondomar, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 22 de decembro de 2023
Antonio Crespo Iglesias
Presidente do Xurado Provincial de Clasificación de Montes
Veciñais en Man Común de Pontevedra