Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Santa Mariña do Rosal e San Miguel de Tabagón (concello do Rosal), ao respecto da estrema común dos seus montes (expediente DC22012).
Feitos:
Primeiro. O 22.8.2022, o presidente da comunidade de montes veciñais en man común (en diante, CMVMC) de Santa Mariña do Rosal presentou no rexistro electrónico da Xunta de Galicia, co núm. de entrada 2022/2104254, a solicitude de deslindamento entre a CMVMC de Santa Mariña do Rosal e a CMVMC de San Miguel de Tabagón (concello do Rosal).
Os montes veciñais en man común (en diante, MVMC) afectados por este deslindamento son:
– MVMC de Santa Mariña do Rosal (ID monte: 3100) da CMVMC de Santa Mariña do Rosal.
– MVMC de Lousado, Niño do Corvo, Illa Canosa, Arnados, Moroceira e outros (ID monte: 3101) da CMVMC de San Miguel de Tabagón.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 7.3.2022.
– Acta de conciliación nº 9/2022 entre as comunidades no Xulgado de Paz do Rosal o 13.7.2022.
– Certificados da aprobación do deslindamento nas asembleas xerais de ambas as CMVMC: CMVMC de Santa Maríña do Rosal o 27.3.2022 e a CMVMC de San Miguel de Tabagón o 13.3.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 22.8.2022 polo técnico colexiado núm. 1333 do COETF de Galicia.
– Informe de validación gráfica catastral con CSV: 9K6ZYG7H77Y3VDWT (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 813 metros e está composta polos seguintes puntos:
Punto 1- |
x: 515.660,32 |
y: 4.644.078,65 |
Punto 2- |
x: 515.645,17 |
y: 4.644.083,65 |
Punto 3- |
x: 515.452,29 |
y: 4.644.138,07 |
Punto 4- |
x: 515.291,06 |
y: 4.644.147,37 |
Punto 5- |
x: 515.245,10 |
y: 4.644.103,99 |
Punto 6- |
x: 515.237,13 |
y: 4.644.082,98 |
Punto 7- |
x: 515.118,10 |
y: 4.643.898,24 |
Punto 8- |
x: 515.115,35 |
y: 4.643.888,73 |
Punto 9- |
x: 515.101,24 |
y: 4.643.865,27 |
Punto 10- |
x: 515.099,65 |
y: 4.643.845,69 |
Punto 11- |
x: 515.100,58 |
y: 4.643.835,22 |
Punto 12- |
x: 515.101,90 |
y: 4.643.811,12 |
Punto 13- |
x: 515.102,40 |
y: 4.643.802,78 |
Punto 14- |
x: 515.102,94 |
y: 4.643.799,10 |
Punto 15- |
x: 515.102,27 |
y: 4.643.772,94 |
Revisada a cartografía das resolucións de clasificación de ambos os MVMC, detéctase que existen estremas entre ambos e non afecta terceiros propietarios. A liña do deslindamento respecta a liña do Instituto Xeográfico Nacional entre os concellos do Rosal e Tomiño.
A liña de deslindamento produce modificacións na cartografía dos esbozos de clasificación das seguintes comunidades:
– CMVMC de Santa Mariña do Rosal: achega uns pequenos axustes para pechar o punto P01 e o punto P15 do deslindamento co resto do esbozo do MVMC.
– CMVMC de San Miguel de Tabagón: achega uns pequenos axustes para pechar os puntos P01 e o punto P15 do deslindamento co resto do esbozo do MVMC.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Santa Mariña do Rosal e a CMVMC de San Miguel de Tabagón, ambas no concello do Rosal, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 22 de decembro de 2023
Antonio Crespo Iglesias
Presidente do Xurado Provincial de Clasificación de Montes
Veciñais en Man Común de Pontevedra