Na sesión celebrada, o día 16 de novembro de 2023, polo Xurado Provincial de Clasificación de Montes Veciñais da Coruña figura o seguinte acordo:
Antecedentes:
O 15.12.2017 recibiuse solicitude da CMVMC de Fornís para a clasificación de parte do Monte Castro como MVMC; xuntaron a sentenza do Xulgado de Primeira instancia de Corcubión do 30 de xullo de 2002, declarativa da titularidade do monte por prescrición adquisitiva en favor da CMVMC de Fornís. Consta a declaración de firmeza da sentenza.
O monte obxecto do procedemento consta de dúas parcelas de 215 e 4,5 ha, respectivamente, que se describen na parte a) do escrito de reconvención e que se identifican cos seguintes lindeiros:
Norte:
Parcela número 1: monte público Pedregal e Ruña, sito na parroquia de Arcos e, seguidamente, co monte público Ruña de Beba; tal lindeiro delimítase pola liña sinalada polos piquetes 113, 114, 115 e seguintes ata o 128, incluído, do deslindamento administrativo do monte Cadaval, Ruña e outros.
Parcela número 2: propiedades dos veciños de Fornís. Esta delimitación atópase sinalada pola liña que une os piquetes 154, 153, 152, 138z1, 138z, 138y e 138x do deslindamento administrativo do monte público Cadaval, Ruña e outros.
Sur:
Parcela número 1: propiedades particulares dos veciños de Fornís e Loureiro e monte público Cadaval, Ruña e outros, do que os separa o rego denominado Rego do Telleiro. O límite atópase sinalado pola liña que une os piquetes 145, 146, 147, 148, 149, 150, 151, 138z2, 138z3 e seguintes ata o 138 do xa citado deslindamento administrativo.
Parcela número 2: co rego denominado Rego do Telleiro atópase sinalado este límite coa liña que une os piquetes 138 x e 154 do referido deslindamento.
Leste:
Parcela número 1: propiedades particulares dos veciños de Fornís e Loureiro e Monte do Castro. Este lindeiro atópase delimitado pola liña sinalada polos piquetes 128, 129, 130 e seguintes correlativos ata o 145, incluído, do deslindamento administrativo xa citado Cadaval Ruña e outros.
Parcela número 2: propiedades dos veciños de Fornís. Esta delimitación atópase sinalada pola liña que une os piquetes 154, 153, 152, 138z1, 138z, 138Y, 138 x do deslindamento administrativo do monte público Cadaval, Ruña e outros.
Oeste:
Parcela número 1: monte público Cadaval, Ruña e outros, leiras particulares de Fornís e Loureiro e monte público Cadaval e Ruña; o lindeiro atópase sinalado pola liña que une os piquetes 138 ao 113 pasando polos piquetes intermedios 109, 110, 111 e 112 do deslindamento administrativo xa citado.
Parcela número 2: propiedades dos veciños de Fornís. Esta delimitación atópase sinalada pola liña que une os piquetes 158, 153, 152, 138z1, 138z, 138y e 138x do deslindamento administrativo do monte público Cadaval, Ruña e outros.
Sinálase que o referido monte está inscrito desde o ano 1988 no Rexistro da Propiedade de Muros a favor da Comunidade de Montes en Man Común de Fornís e Loureiro (predio número 19084.0) no tomo 339, libro 105 e folio 105.
No expediente consta informe favorable do xefe de Sección de MVMC, segundo o cal o monte:
1. Ocupa unha superficie de 39,6 ha.
2. Os lindeiros quedan descritos do seguinte xeito:
Norte: propiedades particulares, e un pequeno tramo con MVMC de Beba, Agar e Outeiro de Bois.
Leste: propiedades particulares.
Sur: propiedades particulares.
Oeste: co MVMC de Fornís e Loureiro da mesma CMVMC.
3. Consta dun encravado cunha superficie de 0,25 ha.
Unha vez examinada a dita sentenza, o xurado, por unanimidade, acorda dar cumprimento ao establecido nela, de xeito que se proceda á súa inscrición na sección provincial do Rexistro de Montes Veciñais en Man Común (exp. 428), coa planimetría e lindeiros que constan na carpeta elaborada polo Servizo de Montes.
Ao descoñecerse o nome e enderezo dos posibles titulares de dereitos e intereses sobre o referido monte, por medio do presente anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o dito acordo. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
A Coruña, 26 de decembro de 2023
O presidente do Xurado Provincial de Clasificación de Montes Veciñais da Coruña
P.S. (Resolución do 7.7.2022)
Ofelia Rivas Vázquez
Xefa do Servizo Xurídico-Administrativo