Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao aordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Budiño e Parderrubias (concello de Salceda de Caselas), ao respecto da estrema común dos seus montes (expediente DC22008).
Feitos:
Primeiro. O 28.7.2022 o presidente da comunidade de montes veciñais en man común (en diante, CMVMC) de Parderrubias, presenta no rexistro electrónico da Xunta de Galicia co núm. de entrada 2022/1962718, solicitude de deslindamento entre a CMVMC de Parderrubias e a CMVMC de Budiño, ambas no concello de Salceda de Caselas.
Os montes veciñais en man común (en diante, MVMC) afectados por este deslindamento son:
– MVMC de Parderrubias (ID Monte: 3106) da CMVMC de Parderrubias.
– MVMC de Budiño (ID Monte: 3104) da CMVMC de Budiño.
Segundo. No expediente consta a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 18.1.2022.
– Acta de conciliación nº 3/2022 entre as comunidades no Xulgado de Paz de Salceda de Caselas o 29.6.2022.
– Certificados da aprobación do deslindamento nas asembleas xerais de ambas as CMVMC: CMVMC de Parderrubias o 27.3.2022 e a CMVMC de Budiño o 22.5.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado en xullo do 2022 polo técnico colexiado núm. 1227 do COETF de Galicia.
– Informe de validación gráfica catastral con CSV: SBFWGA1JDHE8H4P1 (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial de Catastro.
Terceiro. A liña de deslindamento proposta ten unha lonxitude de 767 metros, e está composta polos seguintes puntos:
Punto 1. x: 533929,7816 y: 4660266,8812.
Punto 2. x: 533962,0530 y: 4660325,5221.
Punto 3. x: 533981,3408 y: 4660361,4032.
Punto 4. x: 534028,0243 y: 4660447,7552.
Punto 5. x: 534053,3250 y: 4660507,8074.
Punto 6. x: 534072,2997 y: 4660552,4539.
Punto 7. x: 534089,0949 y: 4660590,2337.
Punto 8. x: 534107,0648 y: 4660639,0772.
Punto 9. x: 534125,5843 y: 4660696,3978.
Punto 10. x: 534165,4187 y: 4660802,4043.
Punto 11. x: 534245,6063 y: 4661020,6882.
Revisada a cartografía das resolucións de clasificación de ambos os MVMC detéctase que existe colindancia entre as comunidades pero non é coincidente coa liña do deslindamento, xa que existe un desprazamento desta con respecto á realidade. Este desprazamento é corrixido polas revisións de esbozo de ambas comunidades (RE22023 da CMVMC de Budiño e RE22036 da CMVMC de Parderrubias), xustificando así a colindancia na totalidade do deslindamento.
A liña do deslindamento non afecta a terceiros propietarios e respecta a liña do Instituto Xeográfico Nacional entre os concellos do Porriño e Salceda de Caselas.
O deslindamento está formado por 2 tramos:
Tramo 1: punto 1-punto 7.
Tramo 2: punto 8-punto 11.
O punto 11 é coincidente co punto 1 do expediente DC22007 (deslindamento entre a CMVMC de Budiño e CMVMC de Parderrubias).
Nos expedientes de revisión de esbozo RE22036 da CMVMC de Parderrubias e RE22023 da CMVMC de Budiño xa se recolle o actual deslindamento.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Budiño e a CMVMC de Parderrubias (Salceda de Caselas), respecto da súa estrema común nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 18 de decembro de 2023
Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra