Examinado o expediente instruído por instancia da empresa UFD Distribución Electricidad, S.A., con enderezo para os efectos de notificación na avenida América, 38, 28028 Madrid, aprécianse os seguintes

Antecedentes de feito.

Primeiro. Con data do 31 de agosto de 2022, a citada empresa solicita a autorización administrativa previa e de construción e a declaración de utilidade pública, en concreto, para a instalación eléctrica LMTA SAR806-derivada a Santo Estevo CT 27A580 (Sarria), no concello de Sarria, e presenta o preceptivo proxecto das instalacións a que fai referencia o Real decreto 1955/2000, do 1 de decembro (BOE núm. 310, do 27 de decembro), que regula as actividades de transporte, distribución, comercialización, subministración e procedementos de autorización de instalacións de enerxía eléctrica, e xunta a relación concreta e individualizada de bens e dereitos afectados pola instalación que determina a Lei 24/2013, do 26 de decembro, do sector eléctrico (BOE núm. 310, do 27 de decembro), e o artigo 143 do Real decreto 1955/2000, antes citado.

Segundo. O proxecto someteuse a información pública para os efectos previstos na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro, mediante o Acordo desta xefatura territorial do 25 de outubro de 2022. Este acordo foi publicado no xornal El Progreso do 28 de outubro de 2022 e no DOG do 16 de novembro de 2022, no taboleiro de anuncios da citada xefatura territorial e no taboleiro de anuncios do Concello de Sarria. Con este acordo inseríase a relación de bens e dereitos afectados.

Así mesmo, efectuouse notificación individual aos interesados incluídos na relación de bens e dereitos afectados.

Terceiro. Enviáronselles separatas relativas ao proxecto aos diferentes organismos afectados e cumpríronse os trámites establecidos no artigo 127 do Real decreto 1955/2000, do 1 de decembro.

Cuarto. Durante o trámite de información pública non se presentaron alegacións.

Quinto. Persoal dos servizos técnicos desta xefatura territorial emitiu informe favorable sobre a solicitude obxecto deste expediente, de acordo co disposto na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro. Igualmente, unha vez revisado sobre o terreo o trazado da liña eléctrica proxectada, os referidos servizos técnicos informan de que non se dá ningunha das limitacións para a imposición da servidume de paso de enerxía eléctrica a que se refire o artigo 161 do Real decreto 1955/2000, en relación co artigo 58 da Lei 24/2013, sobre os predios incluídos na relación de bens e dereitos que foi obxecto de información pública e sobre os cales a empresa beneficiaria non chegou a un acordo amigable cos seus propietarios.

A estes feitos son de aplicación os seguintes

Fundamentos de dereito.

Primeiro. A esta xefatura territorial correspóndelle resolver sobre esta solicitude, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación, e tendo en conta o Decreto 9/2017, do 12 de xaneiro (DOG núm. 22, do 1 de febreiro), sobre órganos competentes para autorización de instalacións eléctricas na Comunidade Autónoma de Galicia, en relación co Real Decreto 1955/2000, do 1 de decembro, e a Lei 24/2013, do 26 de decembro, do sector eléctrico.

Segundo. No expediente cumpríronse os trámites sinalados no artigo 53 da Lei 24/2013, e os regulamentarios previstos nos capítulos II e V do título VII do Real decreto 1955/2000, do 1 de decembro, que regula o procedemento de autorización de instalacións de enerxía eléctrica.

Terceiro. Á vista do informe técnico e do resto da documentación que figura no expediente, considérase que procede a autorización da instalación eléctrica.

Cuarto. Sen prexuízo do anterior, cómpre ter en conta que, consonte o artigo 151 do citado Real decreto 1955/2000, do 1 de decembro, en calquera momento a empresa beneficiaria e os titulares dos necesarios bens e dereitos poden convir un mutuo acordo, o que causará a correspondente conclusión do expediente expropiatorio.

De acordo co exposto, e en virtude das competencias que ten atribuídas, esta xefatura territorial

RESOLVE:

Primeiro. Concederlle a autorización administrativa á empresa UFD Distribución Electricidad, S.A. para o establecemento da instalación eléctrica denominada LMTA SAR806- derivada a Santo Estevo CT 27A580 (Sarria), no concello de Sarria, coas seguintes características técnicas principais:

• Liña de media tensión aérea de 20 kV, cunha lonxitude de 1120 m en condutor de tipo LA-56, con orixe no apoio existente núm. 69-30-8 (C10IHCWI) da liña SAR806 coxerador Onte e Sarripi e final no apoio existente núm. 69-30-8-10CT no cal actualmente se sitúa o CT 27A580 Santo Estevo.

Segundo. Conceder a autorización administrativa de construción para a execución do proxecto da instalación eléctrica LMTA SAR806-derivada a Santo Estevo CT 27A580 (Sarria).

Terceiro. Declarar a utilidade pública, en concreto, da instalación eléctrica obxecto deste expediente, o que implica a necesidade de ocupación dos bens ou da adquisición dos dereitos afectados e a urxente ocupación para os efectos do artigo 52 da Lei de expropiación forzosa. Por isto, en cumprimento do disposto neste artigo, acórdase que o representante da Administración dea comezo, na data e na hora que a cada interesado se lle notificará individualmente, ao levantamento das actas previas á ocupación dos predios contidos na relación de bens e dereitos, publicada no xornal El Progreso do 28 de outubro de 2022 e no Diario Oficial de Galicia do 16 de novembro de 2022, expostas no taboleiro de anuncios desta xefatura territorial e no taboleiro de anuncios do Concello de Sarria. Así mesmo, faise constar que ata o momento do levantamento das actas previas se poderán formular as alegacións que se consideren oportunas, para os efectos de rectificar posibles erros na relación de bens afectados que foi obxecto de publicación nos medios e nas datas anteriormente referidos. Estas alegacións deberanse presentar por escrito ante esta xefatura territorial da Consellería de Economía, Industria e Innovación (Edificio Administrativo da Xunta de Galicia en Lugo; rolda da Muralla, 70, 27071 Lugo).

Todo isto de acordo coas condicións seguintes:

Primeira. As instalacións que se autorizan terán que realizarse de acordo coas especificacións e cos planos que figuran no proxecto LMTA SAR806-derivada a Santo Estevo CT 27A580 (Sarria).

Segunda. O peticionario asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que se manterán as condicións regulamentarias de seguridade con carácter permanente.

Terceira. Deberase cumprir canto establece a lexislación técnica de liñas eléctricas de alta tensión e as súas instrucións técnicas complementarias, de acordo co Real decreto 223/2008, do 15 de febreiro, así como, de ser o caso, a lexislación aplicable ás instalacións de baixa tensión e as súas instrucións técnicas complementarias, de acordo co Real decreto 842/2002, do 2 de agosto, ademais do resto de normativa e directrices vixentes que sexan de aplicación.

Cuarta. Para introducir modificacións nas instalacións que afecten datos básicos do proxecto, será necesaria a autorización previa desta xefatura territorial.

Quinta. O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Sexta. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

Sétima. Como anexo a esta resolución recóllese a RBDA definitiva, que se empregará no procedemento expropiatorio e que coincide coa sometida a información pública.

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación ou ben, tentada esta, non se puidese realizar, e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Contra esta resolución, que non é definitiva en vía administrativa, cabe interpor recurso de alzada, ante o conselleiro de Economía, Industria e Innovación, no prazo dun mes a partir do día seguinte ao da súa notificación/publicación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.

Lugo, 2 de novembro de 2023

Gustavo J. Casasola de Cabo
Xefe territorial de Lugo

ANEXO I

Relación de bens e dereitos afectados polo proxecto denominado
LMTA SAR806-derivada a Santo Estevo CT 27A580 (Sarria)

Concello: Sarria.

Expediente: IN407A 2022-132-2.

Ref. catastral					Propietario	Apoio		Afeccións
Nº predio	Pol.	Parc.	Lugar	Cultivo	Nome e apelidos	Nº	m2	ml aér.	m2 aér.
1	14	667	A Leira das Regas	Prado	José López López			70.0	960.0
2	14	668	A Agra dos Sarodios	Prado	José López Ares			0.0	321.0
3	14	652	O Pozo Vello	Prado	María Lili López	69-30-8-1, 69-30-8-2	4.0	112.0	1628.0
4	14	1210	Gaez	Prado	María Lili López			0.0	164.0
11	14	1287	A Cortiña	Matogueira	Germán López Rodríguez			8.0	88.0
12	14	582	A Cortiña	Matogueira	Germán López Rodríguez			1.0	52.0
13	14	580	A Fonte do Canto	Matogueira	Germán López Rodríguez			0.0	34.0
14	14	579	Fonte Canto	Prado	Descoñecido	69-30-8-3	2.0	90.0	1405.0
19	16	767	O Horto das Fontes	Labradío	Descoñecido			0.0	16.0
23	16	901	A Cortiña da Costa	Matogueira	Fernando López Díaz			31.0	375.0
24	16	876	Redondelo	Matogueira	Descoñecido			0.0	133.0
25	16	877	Fontiveira	Matogueira	Descoñecido	69-30-8-6	2.0	24.0	359.0
26	16	1982	As Fontes	Matogueira	Descoñecido			0.0	9.0
27	16	878	A Leira da Costa	Matogueira	German López Rodríguez			12.0	181.0
29	16	893	As Fontes	Matogueira	Descoñecido			0.0	10.0
30	16	891	Santo Estevo	Matogueira	Descoñecido			85.0	1315.0