Expediente: IN407A 2023/102-1.
Promotora: UFD Distribución Electricidad, S.A.
Denominación da instalación: renovación da LMTS SCY804 entre o CT 15CFM7 e o CT 15CTQ2.
Concello: Santiago de Compostela.
Feitos:
Primeiro. O día 3 de marzo do 2023, a empresa promotora solicitou a autorización administrativa previa e a autorización administrativa de construción do proxecto de execución da dita instalación de distribución eléctrica, co fin de mellorar a calidade de subministración, así como de incrementar a capacidade de transporte da liña existente na contorna da rúa Regueiro de Figueiriñas, rúa Oblatas, travesía do Carmen, rúa de Poza de Bar, rúa Campo do Cruceiro do Gaio, avenida de Compostela e avenida das Burgas, no concello de Santiago de Compostela. Proxéctase deixar fóra de servizo nove treitos soterrados da liña de distribución de media tensión LMT SCY804, procedente da subestación San Caetano e instalar novos condutores en novas canalizacións.
Ao abeiro do artigo 123 do Real decreto 1955/2000, achegan o proxecto, que inclúe memoria, planos e orzamento, e que abrangue os seguintes documentos:
– Proxecto de execución nomeado: renovación da LMTS SCY804 ente o CT 15CFM7 e o CT 15CTQ2, asinado o 2 de febreiro de 2023 por Tito Arias Santos, enxeñeiro técnico industrial eléctrico con número colexial LE-1010.
Segundo. O proxecto non se someteu ao trámite de información pública, segundo o artigo 50 da Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).
Terceiro. Consonte o artigo 127 do Real decreto 1955/2000, do 1 de decembro, déuselles traslado ás distintas administracións, organismos ou, de ser o caso, empresas de servizo público ou de servizos de interese xeral afectadas dunha separata do proxecto, na parte en que a instalación puidese prexudicar bens e dereitos ao seu cargo, que contén as características da instalación e a documentación cartográfica correspondente. Solicitóuselles o preceptivo informe a Augas de Galicia-Consellería de Infraestruturas e Mobilidade; Servizo do Patrimonio Cultural-Xefatura Territorial da Consellería de Cultura, Educación, Formación Profesional e Universidades da Coruña e ao Concello de Santiago de Compostela. A empresa promotora manifestou a súa conformidade co condicionado establecido polo organismo afectado, a saber, Patrimonio Cultural.
Cuarto. O 22 de setembro de 2023 emitiuse un informe técnico.
Consideracións legais e técnicas:
Primeira. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia; o artigo 41 do Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG núm. 126, do 4 de xullo), modificado polo Decreto 49/2023, do 19 de maio (DOG núm. 98, do 25 de maio), consonte coa disposición transitoria primeira do Decreto do 22 de xuño polo que se fixa a estrutura orgánica das vicepresidencias e das consellerías da Xunta de Galicia (DOG núm. 119, do 23 de xuño de 2023).
Segunda. Lexislación de aplicación:
– Lei 24/2013, do 26 de decembro, do sector eléctrico.
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.
– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.
– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.
– Real decreto 842/2002, do 2 de agosto, polo que se aproba o Regulamento electrotécnico para baixa tensión.
– Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).
Terceira. Características técnicas:
As instalacións de alta tensión obxecto deste expediente atópanse na rúa Regueiro de Figueiriñas, rúa de Oblatas, travesía do Carmen, rúa de Poza de Bar, rúa Campo do Cruceiro do Gaio, avenida de Compostela e avenida das Burgas, no concello de Santiago de Compostela.
– LMTS (actuación 1) a 20 kV de 167 metros, condutor tipo RHZ1-2OL 12/20 kV 3×(1×240) mm² Al, con orixe no CT Rueiro II (15CFM7) existente e remate no CT rúa Oblatas 18 (15CTQ2) existente.
– LMTS (actuación 2) a 20 kV de 190 m, condutor tipo RHZ1-2OL 12/20 kV 3×(1×240) mm² Al, con orixe no CS Hotel Oblatas (15CPV0) existente e remate no CT ruela Oblatas (15CXL2) existente.
– LMTS (actuación 3) a 20 kV de 320 m, condutor tipo RHZ1-2OL 12/20 kV 3×(1×240) mm² Al, con orixe no CT ruela Oblatas (15CXL2) existente e remate no CT Poza de Bar (15CKB4) existente.
– LMTS (actuación 4) a 20 kV de 488 m, condutor tipo RHZ1-2OL 12/20 kV 3×(1×240) mm² Al, con orixe no CT Poza de Bar (15CKB4) existente e remate no CS Sanatorio Esperanza 2 (15PTP9) existente.
– As actuacións proxectadas discorrerán mediante canalización soterrada en interior de tubaxe de polipropileno de 160 mm de diámetro en gabia de dimensións de 0,40 metros de ancho e de entre 0,80 e 1,20 metros de profundidade, levando a cabo a instalación por esta de entre dúas a catro tubaxes de idénticas características. A lonxitude total da canalización proxectada ascende aos 859 metros.
– Posta fóra de servizo dos treitos soterrados da LMT SCY804, procedente da subestación San Caetano SCY8040387 (UNI-Al-150-RHV, expediente 52.362), SCY8040376 (UNI-Al-240-RHZ1-OL, expediente IN407A 04/17), SCY8040383 (UNI-Al-150-RHV, expediente 52.362), SCY8040371 (UNI-Al-240-RHZ1-OL), CY8040369 (UNI-Al-150-RHV), SCY8040386 (UNI-Al-150-RHV), SCY8040389 (UNI-Al-150-RHV), SCY8040385 (UNI-Al-240-RHZ1-OL, expediente IN407A 04/138) e SCY8040384 (UNI-Al-240-RHZ1-OL, expediente IN407A 04/138).
Cuarta. No expediente consta un informe favorable dos servizos técnicos desta xefatura territorial.
De acordo con todo o exposto,
RESOLVO:
1. Conceder a autorización administrativa previa e a autorización administrativa de construción para a dita instalación de distribución eléctrica.
2. A instalación executarase no prazo dun ano, contado a partir do día seguinte ao da publicación desta resolución no Diario Oficial de Galicia.
3. Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:
– As declaracións de conformidade relativas ao material ou equipamento, e as certificacións ou homologacións, se procede.
– Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas oportunas na montaxe da instalación e posta a punto.
– Planimetría as built da instalación eléctrica en formato shape.
4. Esta aprobación outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.
Contra esta resolución, que non é definitiva en vía administrativa, poderase interpor recurso de alzada perante a conselleira de Economía, Industria e Innovación no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.
Mediante este documento notifícaselles aos interesados esta resolución, segundo o exixido no artigo 40.1 da dita Lei 39/2015.
A Coruña, 30 de outubro de 2023
Isidoro Martínez Arca
Xefe territorial da Coruña