En cumprimento do disposto no artigo 28 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e de conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Ourense, en sesión que tivo lugar o 23 de outubro de 2023, adoptou a seguinte resolución:
Examinado o expediente de clasificación como veciñal en man común do monte denominado Comunal de Costoia, na parroquia de Lobás (Santa Ouxea), no concello do Carballiño, resultan os seguintes
Feitos:
Primeiro. O 19 de abril de 2022 tivo entrada no rexistro da Xefatura Territorial da Consellería do Medio Rural escrito dirixido ao Xurado Provincial de Clasificación de Montes Veciñais en Man Común de Juan Noel Panadeiros Gallego, no cal solicitaba a clasificación como veciñal en man común de varias parcelas denominadas Comunal de Costoia.
Segundo. O 27 de febreiro de 2023, o Xurado Provincial acorda iniciar o expediente de clasificación como veciñal en man común do referido monte, designando instrutor e realizando as comunicacións e publicacións a que fan referencia os artigos 20, 21 e 23 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e abriuse un período de un mes para a práctica de alegacións.
Terceiro. No prazo concedido para a práctica de alegacións non consta que se presentase ningunha.
Cuarto. O monte obxecto de clasificación, de acordo coa documentación que figura no expediente, descríbese así:
Nome do monte: Comunal de Costoia.
Superficie: 16,39 ha.
Pertenza: veciños/as de Costoia.
Parroquia: Lobás (Santa Ouxea).
Concello: O Carballiño.
Descrición dos predios que constitúen o monte:
Predio 1.
Parcelas obxecto de clasificación |
Parcelas estremeiras |
|
Referencia catastral |
Lindeiros |
Referencia catastral |
32020A01702441 |
Norte |
32020A01709012 32020A01700469 32020A01700470 |
Leste |
32020A01709002 |
|
Sur |
32020A01709002 |
|
Oeste |
32020A01700522 32020A01700521 32020A01700520 32020A01700518 32020A01700519 32020A01700514 32020A01700515 32020A01700473 32020A01700471 |
Predio 2.
Os terreos incluídos neste predio constitúen un único couto redondo, segundo a definición que figura no artigo 8 da Lei 7/2012, do 28 de xuño, de montes de Galicia, ben que están atravesados por un camiño correspondente á parcela coa referencia catastral 32020A01709003.
Parcelas obxecto de clasificación |
Parcelas estremeiras |
|
Referencia catastral |
Lindeiros |
Referencia catastral |
32020A01702446 32020A01702450 |
Norte |
32020A01700035 |
Leste |
32020A01702447 32020A01702448 32020A01709003 32020A01702518 |
|
Sur |
32020A01700326 32020A01700327 32020A01700328 32020A01700330 32020A01700331 32020A01700332 32020A01700333 32020A01700334 32020A01700327 |
|
Oeste |
32020A01700607 32020A01700606 32020A01700608 32020A01700609 32020A01700615 32020A01700616 32020A01700617 32020A01700620 32020A01700621 32020A01709011 32020A01701301 32020A01701302 32020A01701303 32020A01701305 32020A01701304 32020A01701363 32020A01701362 32020A01701360 32020A01701353 32020A01709003 32020A01702445 |
Predio 3.
Parcelas obxecto de clasificación |
Parcelas estremeiras |
|
Referencia catastral |
Lindeiros |
Referencia catastral |
32020A50100555 |
Norte |
32020A50100557 |
Leste |
32020A50100557 32020A50100556 |
|
Sur |
32020A50100556 32020A50109011 |
|
Oeste |
32020A01709011 |
Predio 4.
Os terreos incluídos neste predio constitúen un único couto redondo, segundo a definición que figura no artigo 8 da Lei 7/2012, do 28 de xuño, de montes de Galicia, ben que están atravesados por un camiño correspondente á parcela coa referencia catastral 32020A01709003.
Parcelas obxecto de clasificación |
Parcelas estremeiras |
|
Referencia catastral |
Lindeiros |
Referencia catastral |
32020A01702487 32020A01702522 |
Norte |
32020A01701471 32020A01702443 32020A01709003 |
Leste |
32020A01702521 32020A01701386 |
|
Sur |
32020A01701328 32020A01709003 32020A01701330 32020A01701331 32020A01701332 32020A01701467 |
|
Oeste |
32020A01709003 32020A01701468 32020A01701471 |
Fundamentos de dereito:
Primeiro. O Xurado Provincial de Clasificación de Montes Veciñais en Man Común é o órgano competente para coñecer os expedientes de clasificación dos montes que teñan tal carácter, de acordo co establecido no artigo 9 da Lei 13/1989, do 10 de outubro, de montes veciñais en man común.
Segundo. De conformidade co disposto no artigo 1 da devandita lei «son montes veciñais en man común... os que, con independencia da súa orixe, as súas posibilidades produtivas, o seu aproveitamento actual e a súa vocación agraria, pertenzan a agrupacións veciñais na súa calidade de grupos sociais e non como entidades administrativas, e se veñan aproveitando consuetudinariamente en réxime de comunidade sen asignación de cotas polos membros daquelas na súa condición de veciños».
Terceiro. É reiterada doutrina da Sala do Contencioso-Administrativo do Tribunal Supremo que son dúas as notas características dos montes veciñais en man común: unha, o aproveitamento consuetudinario en man común, e outra, a atribución da titularidade dese aproveitamento aos veciños integrantes dun grupo social determinado, independentemente da súa cualificación ou non como entidade administrativa, correspondendo constatar o aproveitamento e atribuír a titularidade a favor do grupo social que o veña gozando ao Xurado Provincial de Clasificación de Montes Veciñais en Man Común de Ourense.
Cuarto. O carácter de monte veciñal en man común acreditouse mediante as testemuñas dos veciños solicitantes, as actuacións realizadas polo Servizo de Montes e a documentación que consta no expediente.
En consecuencia co que antecede, examinada a Lei 13/1989, do 10 de outubro, de montes veciñais en man común, o seu regulamento, aprobado polo Decreto 260/1992, do 4 de setembro, o Decreto 223/2022, do 22 de decembro, que establece a estrutura orgánica da Consellería do Medio Rural, e demais normativa legal e regulamentaria, o xurado provincial, por unanimidade dos seus membros,
RESOLVE:
Clasificar como monte veciñal en man común o monte denominado Comunal de Costoia, a favor dos/das veciños/as de Costoia, no concello do Carballiño, de acordo coa descrición realizada no feito cuarto.
Contra esta resolución, que pon fin a vía administrativa, poderase interpoñer recurso potestativo de reposición perante o Xurado Provincial de Clasificación de Montes Veciñais en Man Común de Ourense no prazo dun mes, ou ben directamente recurso contencioso-administrativo perante o Xulgado do contencioso administrativo de Ourense, no prazo de dous meses contados desde o día seguinte ao desta notificación, de acordo co disposto no artigo 12 da citada Lei 13/1989, nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Ourense, 7 de novembro de 2023
O presidente do Xurado Provincial de Clasificación
de Montes Veciñais en Man Común de Ourense
P.S. (Resolución do 12.7.2022)
José Antonio García Rodríguez
Xefe do Servizo Xurídico-Administrativo