No Diario Oficial de Galicia número 123, do 29 de xuño de 2023 publícase a Orde do 19 de xuño de 2023 pola que se establecen as bases reguladoras para a concesión de subvencións destinadas a concellos e mancomunidades da Comunidade Autónoma de Galicia para a adquisición de vehículos que faciliten a prestación de servizos destinados a persoas maiores, a persoas dependentes ou a persoas con discapacidade, ao abeiro do Plan de recuperación, transformación e resiliencia financiado pola Unión Europea-NextGenerationEU, de conformidade co Regulamento (UE) número 2021/241, do 12 de febreiro de 2021, polo que se establece o Mecanismo de recuperación e resiliencia, e se convocan para o ano 2023 (código de procedemento BS631G).

De conformidade co artigo 17 da antedita orde, a resolución dos expedientes de axudas corresponde á persoa titular da Dirección Xeral de Persoas con Discapacidade por delegación da persoa titular da Consellería de Política Social e Xuventude, á vista da proposta do órgano instrutor, segundo o previsto no seu artigo 16, logo da fiscalización pola Intervención Delegada.

Así mesmo, o artigo 18 da mesma orde establece que se publicarán no Diario Oficial de Galicia, de conformidade co artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e a correspondente resolución deste procedemento. Esta publicación producirá os efectos da notificación.

Polo exposto, finalizada a instrución e emitida a resolución que finaliza o procedemento,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 28 setembro de 2023, ditada no procedemento BS631G, respecto das axudas destinadas a concellos e mancomunidades da Comunidade Autónoma de Galicia para a adquisición de vehículos que faciliten a prestación de servizos destinados a persoas maiores, a persoas dependentes ou a persoas con discapacidade ao abeiro da Orde do 19 de xuño de 2023 pola que se establecen as bases reguladoras para a concesión de subvencións destinadas a concellos e mancomunidades da Comunidade Autónoma de Galicia para a adquisición de vehículos que faciliten a prestación de servizos destinados a persoas maiores, a persoas dependentes ou a persoas con discapacidade, ao abeiro do Plan de recuperación, transformación e resiliencia financiado pola Unión Europea-NextGenerationEU, de conformidade co Regulamento (UE) número 2021/241, do 12 de febreiro de 2021, polo que se establece o Mecanismo de recuperación e resiliencia, e se convocan para o ano 2023 (código de procedemento BS631G), que se xunta como anexo á presente resolución.

Segundo. Comunicar que a Resolución do 28 de setembro de 2023 que finaliza este procedemento esgota a vía administrativa e contra ela poderá interporse o recurso potestativo de reposición ante o mesmo órgano que a ditou, no prazo dun mes contado a partir da publicación desta resolución no Diario Oficial de Galicia, ou ben directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous (2) meses contados a partir do día seguinte á súa publicación no Diario Oficial de Galicia.

Santiago de Compostela, 29 de setembro de 2023

Begoña Abeijón Fernández
Directora xeral de Persoas con Discapacidade

ANEXO

Resolución pola que se conceden as subvencións destinadas a concellos
e mancomunidades da Comunidade Autónoma de Galicia para a adquisición
de vehículos que faciliten a prestación de servizos destinados a persoas
maiores, a persoas dependentes ou a persoas con discapacidade,
ao abeiro do Plan de recuperación, transformación e resiliencia financiado
pola Unión Europea-NextGenerationEU, de conformidade co
Regulamento (UE) número 2021/241, do 12 de febreiro de 2021, polo que
se establece o Mecanismo de recuperación e resiliencia
(código de procedemento BS631G)

A través da Orde do 19 de xuño de 2023 (Diario Oficial de Galicia número 123, do 29 de xuño) establecéronse as bases reguladoras e convocouse o procedemento para a concesión de subvencións destinadas a concellos e mancomunidades da Comunidade Autónoma de Galicia para a adquisición de vehículos que faciliten a prestación de servizos destinados a persoas maiores, a persoas dependentes ou a persoas con discapacidade, xestionado por esta consellería.

Unha vez comprobadas as solicitudes polo órgano instrutor, examinados os criterios preferenciais pola Comisión de Valoración en relación ás solicitudes admitidas, vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Que son susceptibles de obter subvencións as entidades e programas recollidos no anexo I, na contía sinalada para cada programa en aplicación dos criterios de valoración e prelación establecidos no artigo 8, por un importe total de 1.000.000,00 de € consignado na aplicación orzamentaria 13.04.312E.760.2.

Segundo. Que non son susceptibles de obter subvencións as entidades recollidas no anexo II, por non acadar a puntuación necesaria da axuda de acordo co establecido no artigo 8 da dita orde e en función das dispoñibilidades orzamentarias. Así mesmo, declárase a desistencia para as solicitudes presentadas polas entidades que figuran no anexo III, por non ter emendado a documentación preceptiva en prazo.

Terceiro. De conformidade co artigo 25 das bases reguladoras, o pagamento das axudas farase efectivo a partir da data da resolución definitiva de concesión e realizarase sempre e cando se acreditase que a adquisición foi executada de acordo co proxecto presentado e se xustifique correctamente o seu emprego e o cumprimento das obrigas establecidas na presente resolución.

Os concellos e mancomunidades beneficiarias, unha vez ditada a resolución de concesión da subvención, poderán solicitar un anticipo de ata o 80 % da subvención concedida.

Cuarto. Á axuda concedida no marco desta orde poderase sumar á proporcionada de acordo con outros programas e instrumentos da Unión Europea sempre que a dita axuda non cubra o mesmo custo e, en todo caso, de conformidade co disposto no Regulamento (UE Euratom) 2018/1046, do Parlamento Europeo e do Consello, do 18 de xullo, sobre as normas financeiras aplicables ao Orzamento Xeral da Unión (Regulamento Financeiro).

A suma de todas as axudas, ingresos ou recursos destinados ao mesmo fin, en ningún caso poderá ser de tal contía que, illadas ou en concorrencia con outras subvencións, axudas, ingresos ou recursos, superen o custo total da actividade obxecto da axuda.

Quinto. A data límite para presentar a documentación xustificativa dos investimentos será o 5 de decembro de 2023.

A documentación xustificativa que deberán presentar os concellos e mancomunidades beneficiarias será a seguinte:

a) Solicitude de pagamento e declaración en relación con outras axudas concedidas ou solicitadas efectuada pola entidade beneficiaria (anexo III).

b) Certificación da Intervención ou do órgano que teña atribuídas as facultades de control da toma de razón en contabilidade e do cumprimento para a finalidade para a que foi concedida a axuda

c) Unha memoria económica xustificativa do custo das actuacións realizadas.

d) Certificación expedida pola secretaría da entidade local, co visto e prace da Alcaldía, relativa á aprobación polo órgano competente da conta xustificativa da subvención, na que se fará constar, como mínimo de forma detallada, o cumprimento da finalidade da subvención e os distintos conceptos e contías correspondentes aos gastos totais soportados pola entidade beneficiaria imputables ás actuacións subvencionadas coa seguinte relación: identificación da persoa acredora, número de factura ou documento equivalente, importe, data de emisión e data de recoñecemento da obriga pola órgano competente.

e) Certificado da persoa secretaria do concello/mancomunidade de que a contratación do vehículo se realizou conforme a normativa de contratación do sector público.

f) Relación e copia das facturas e dos seus correspondentes xustificantes bancarios de pagamento, relativos ao investimento elixible realizado e que respondan ao orzamento presentado.

g) Acreditación documental, material ou gráfico (fotografías, copias, capturas de pantallas) do cumprimento do deber de información e publicidade da financiación pública da acción subvencionada.

h) Declaración responsable sobre principios transversais do Plan de recuperación, transformación e resiliencia (anexo IV) en relación ao cumprimento do artigo 5 da Orde HFP/130/2021.

Sexto. Ademais das obrigas recollidas nos artigos 14 da Lei 38/2003, do 17 de novembro, e 11 da Lei 9/2007, do 13 de xuño, e sen prexuízo das demais obrigacións que resulten da normativa aplicable, as entidades beneficiarias destas axudas están obrigadas a:

a) Executar e acreditar a realización da actuación que fundamenta a concesión da subvención e o cumprimento dos requisitos e das condicións desta ante o órgano concedente, sen prexuízo da facultade da consellería da Xunta de Galicia con competencia en materia de servizos sociais de comprobar a realización material das actuacións.

b) Someterse ás actuacións de comprobación que efectúe a consellería da Xunta de Galicia con competencia en materia de servizos sociais, así como a calquera outra actuación, sexa de comprobación ou control financeiro, que poidan realizar os órganos de control competentes, tanto autonómicos como estatais ou comunitarios, para o cal achegará canta información lle sexa requirida no exercicio das actuacións anteriores.

c) Comunicarlle ao órgano concedente calquera modificación das condicións tidas en conta para a concesión da subvención, así como dos compromisos e obrigas asumidos polos concellos e mancomunidades beneficiarios e, de ser o caso, a obtención concorrente de subvencións, axudas, ingresos ou recursos que financien as actividades subvencionadas. Esta comunicación deberase efectuar tan pronto como se coñeza e, en todo caso, con anterioridade á xustificación da aplicación dada aos fondos percibidos.

d) Dispor dos libros contables, rexistros dilixenciados e demais documentos debidamente auditados nos termos exixidos pola lexislación mercantil e sectorial aplicable á entidade beneficiaria en cada caso, coa finalidade de garantir o adecuado exercicio das facultades de comprobación e control.

e) Manter un sistema de contabilidade separado ou un código contable adecuado en relación con todas as transaccións relacionadas cos gastos subvencionados, sen prexuízo das normas xerais da contabilidade, que permita seguir unha pista de auditoría sobre os conceptos financiados con cargo á subvención e a obriga do mantemento da documentación soporte. O soporte da documentación realizarase nos termos que estableza o Ministerio de Facenda de conformidade coa normativa nacional e da Unión Europea, mantendo os requisitos de pista de auditoría de conformidade co artigo 22 do Regulamento (UE) 2021/241 do Parlamento Europeo e o Consello, do 12 de febreiro.

f) As infraestruturas e/ou equipamentos obxecto da actuación subvencionada deberán obter as correspondentes autorizacións establecidas no Decreto 254/2011, do 23 de decembro, e permanecer destinados ao fin concreto para o que se concedeu a subvención por un período non inferior a 5 anos desde o pagamento final ao beneficiario, tal e como recolle o artigo 29.4.a) da Lei 9/2007, do 13 de xuño. O incumprimento disto dará lugar á revogación da resolución de concesión, ao reintegro das cantidades percibidas e á exixencia dos xuros de demora legalmente establecidos desde o momento do pagamento da subvención.

g) Dar cumprimento á obriga da adecuada publicidade do carácter público do financiamento en todas as actuacións que deriven da execución do proxecto, en cumprimento do disposto no artigo 15.3 da Lei 9/2007, do 13 de xuño, e artigo 20 do Decreto 11/2009, do 8 de xaneiro. Así mesmo, os perceptores de fondos da Unión deben cumprir coas obrigas de información e publicidade que as autoridades competentes establezan relativas ao financiamento do Mecanismo de recuperación e resiliencia polo que farán mención da orixe deste financiamento e velarán por darlle visibilidade, mediante o emblema da Unión e unha declaración de financiamento adecuado que indique: «financiado pola Unión Europea-NextGenerationEU», en particular, cando promovan as accións e os seus resultados, facilitando información coherente, efectiva e proporcionada dirixida a múltiples destinatarios, incluídos os medios de comunicación e o público. En particular, estarán obrigadas a:

1º. Incorporar nun lugar visible do inmoble unha referencia expresa a que a construción ou reforma foi financiada pola Xunta de Galicia (Consellería de Política Social e Xuventude). Esta información debe levar o logotipo oficial da Xunta de Galicia previsto no manual de identidade corporativa (http://www.xunta.gal/identidade-corporativa/descarga-do-manual).

2º. Destacar, nas actividades que realice, nos materiais que reproduzan e utilicen para a difusión ou publicidade do proxecto, o financiamento efectuado pola Administración xeral do Estado, de conformidade co establecido no Manual de imagen Institucional de la Administración general del Estado e a Guía para a edición e publicación de páxinas web na Administración xeral do Estado.

3º. Incluír a mención da orixe deste financiamento mediante o emblema da Unión e a declaración «financiado pola Unión Europea-NextGenerationEU», tal como se reflicte no artigo 34 do Regulamento (UE) 2021/241 do Parlamento Europeo e do Consello, do 12 de febreiro de 2021, de conformidade co establecido no Manual de marca do Plan de recuperación, transformación e resiliencia.

Todos os carteis e placas deberán colocarse nun lugar ben visible de acceso ao público.

h) Facilitar toda a información que lles requira a Intervención Xeral da Comunidade Autónoma, o Tribunal de Contas e o Consello de Contas no exercicio das súas funcións de fiscalización e control do destino das axudas.

i) Asumir a aplicación de medidas antifraude eficaces e proporcionadas no seu ámbito de xestión, así como a obriga de comunicar ao órgano xestor os casos de sospeitas de fraude («bandeiras vermellas») e asegurar a adopción de medidas dirixidas a previr, detectar, comunicar e corrixir a fraude, a corrupción e previr o conflito de intereses e o dobre financiamento.

j) Respectar o principio de «non causar un prexuízo significativo» na execución das actuacións subvencionadas nos termos do artigo 17 do Regulamento (UE) 2020/852 do Parlamento Europeo e do Consello, do 18 de xuño de 2020, relativo ao establecemento dun marco para facilitar os investimentos sustentables e polo que se modifica o Regulamento (UE) 2020/2088.

k) Contribuír ao correcto funcionamento da Base de datos nacional de subvencións en cumprimento do disposto na Orde HFP/1030/2021, do 29 de setembro, como ferramenta de consulta no procedemento de concesión de axudas, cumprindo adecuadamente coas obrigacións de subministración de información a esta (Real decreto 130/2019, do 8 de marzo).

l) Proceder ao reintegro dos fondos percibidos, total ou parcialmente, no suposto de incumprimento das condicións establecidas para a súa concesión ou nos supostos previstos no título II da Lei 9/2007, do 13 de xuño.

m) Conservar os documentos xustificativos e demais documentación relacionada co financiamento da actuación, en formato electrónico, durante un prazo mínimo de 5 anos a partir da recepción do último pagamento. Este período será de tres anos se o financiamento non supera os 60.000 €.

Sétimo. Esta resolución pon fin á vía administrativa e contra ela poderá interporse o recurso potestativo de reposición ante o mesmo órgano que a ditou, no prazo dun mes contado a partir da publicación desta resolución no Diario Oficial de Galicia, ou ben directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous (2) meses contados a partir do día seguinte ao da súa publicación no Diario Oficial de Galicia.

Oitavo. A publicación desta resolución producirá os efectos de notificación, nos termos establecidos no artigo 18 da Orde do 19 de xuño de 2023.

Santiago de Compostela, 28 de setembro de 2023. A conselleira de Política Social e Xuventude. P.D. (Artigo 17 e disposición adicional única da Orde do 19.6.2023; DOG núm. 123, do 29 de xuño); Begoña Abeijón Fernández, directora xeral de Persoas con Discapacidade.

ANEXO I

Entidades solicitantes, ordenadas de maior a menor puntuación,
co importe da concesión que se propón

CIF	Cod_IGE	Concello	Baremo pob.	Baremo disca.	Baremo >65	Baremo centro	Ptos. total	Importe solicitado	Subvención	Data presentación	Hora presentación
P1501000B	15010	Boimorto	20	4	4	12	40	62.962,94 €	40.000,00 €	2023-07-07	12.22.51
P3207200A	32071	Riós	20	4	4	12	40	39.997,93 €	39.997,93 €	2023-07-14	15.12.53
P3602000F	36020	Agolada	20	4	4	12	40	40.000,00 €	40.000,00 €	2023-07-20	13.14.32
P3206800I	32067	Rairiz de Veiga	20	4	4	12	40	40.000,00 €	40.000,00 €	2023-07-21	10.00.55
P3200500A	32004	Avión	20	4	4	12	40	43.178,09 €	40.000,00 €	2023-07-21	12.09.06
P2705800G	27058	Saviñao, O	20	4	4	12	40	37.998,94 €	37.998,94 €	2023-07-24	13.39.21
P2700100G	27001	Abadín	20	4	4	12	40	42.500,00 €	40.000,00 €	2023-07-24	14.58.41
P3202900A	32028	Cualedro	20	4	4	12	40	38.000,00 €	38.000,00 €	2023-07-26	13.11.36
P3205200C	32051	Muíños	20	4	4	12	40	32.803,49 €	32.803,49 €	2023-07-28	11.15.14
P3202300D	32022	Castrelo de Miño	20	4	4	12	40	39.997,93 €	39.997,93 €	2023-07-28	13.32.56
P3208400F	32083	Veiga, A	20	4	4	12	40	45.044,00 €	40.000,00 €	2023-07-28	13.57.21
P3601400I	36014	Crecente	20	4	4	12	40	42.471,00 €	40.000,00 €	2023-07-28	18.40.56
P3204500G	32044	Manzaneda	20	2	4	12	38	23.575,88 €	23.575,88 €	2023-07-13	12.34.25
P3203000I	32029	Chandrexa de Queixa	20	2	4	12	38	23.575,88 €	23.575,88 €	2023-07-14	13.58.33
P1504300C	15042	Lousame	20	4	2	12	38	36.208,79 €	36.208,79 €	2023-07-24	10.53.44
P3203500H	32034	Gudiña, A	20	4	2	12	38	39.997,93 €	39.997,93 €	2023-07-26	11.15.50
P2704000E	27040	Palas de Rei	20	4	2	12	38	42.471,00 €	40.000,00 €	2023-07-27	12.21.54
P3209300G	32092	Vilariño de Conso	20	2	4	12	38	38.000,00 €	38.000,00 €	2023-07-27	15.09.39
P2703200B	27032	Monterroso	20	4	2	12	38	47.156,52 €	40.000,00 €	2023-07-27	17.58.51
P1508500D	15084	Tordoia	20	4	2	12	38	54.519,13 €	40.000,00 €	2023-07-28	14.18.23
P2705000D	27050	Quiroga	20	2	4	12	38	34.094,96 €	34.094,96 €	2023-07-31	9.49.59
P3203700D	32036	Xunqueira de Ambía	20	4	2	12	38	45.044,00 €	40.000,00 €	2023-07-31	12.11.42
P2706400E	27064	Vicedo, O	20	4	2	12	38	39.132,00 €	39.132,00 €	2023-07-31	12.47.59
P2700600F	27006	Becerreá	20	2	2	12	36	42.500,00 €	40.000,00 €	2023-07-21	14.10.47
P2703500E	27035	Negueira de Muñiz	20	2	2	12	36	31.000,00 €	31.000,00 €	2023-07-31	10.09.26
P3206400H	32063	Pobra de Trives, A	20	2	2	12	36	38.185,05 €	38.185,05 €	2023-07-31	13.47.37
P1509300H	15092	Vimianzo	10	4	2	12	28	41.000,00 €	27.431,22 €	2023-07-10	15.47.52

ANEXO II

Entidades que non son susceptibles de obter subvención por non acadar a puntuación
mínima necesaria para obter a axuda

Cod_IGE	Concello	Puntos	Observacións	Data presentación	Hora presentación
27047	Pobra do Brollón, A	28	Non susceptible de obter subvención por non acadar a puntuación mínima necesaria	2023-07-18	12.48.53
36056	Valga	28	Non susceptible de obter subvención por non acadar a puntuación mínima necesaria	2023-07-19	13.11.39
32007	Baños de Molgas	28	Non susceptible de obter subvención por non acadar a puntuación mínima necesaria	2023-07-20	10.10.26
32084	Verea	28	Non susceptible de obter subvención por non acadar a puntuación mínima necesaria	2023-07-21	13.59.04
32006	Bande	28	Non susceptible de obter subvención por non acadar a puntuación mínima necesaria	2023-07-24	13.41.07
15079	Santiso	28	Non susceptible de obter subvención por non acadar a puntuación mínima necesaria	2023-07-24	15.00.54
36059	Vila de Cruces	28	Non susceptible de obter subvención por non acadar a puntuación mínima necesaria	2023-07-27	12.41.28
32039	Laza	28	Non susceptible de obter subvención por non acadar a puntuación mínima necesaria	2023-07-28	8.43.29
32048	Mezquita, A	28	Non susceptible de obter subvención por non acadar a puntuación mínima necesaria	2023-07-28	12.22.07
32050	Monterrei	28	Non susceptible de obter subvención por non acadar a puntuación mínima necesaria	2023-07-28	13.19.02
32046	Melón	28	Non susceptible de obter subvención por non acadar a puntuación mínima necesaria	2023-07-28	14.31.32
32059	Peroxa, A	28	Non susceptible de obter subvención por non acadar a puntuación mínima necesaria	2023-07-28	15.03.58
15062	Outes	28	Non susceptible de obter subvención por non acadar a puntuación mínima necesaria	2023-07-28	15.20.43
27037	Nogais, As	28	Non susceptible de obter subvención por non acadar a puntuación mínima necesaria	2023-07-28	17.38.01
32014	Bola, A	28	Non susceptible de obter subvención por non acadar a puntuación mínima necesaria	2023-07-30	13.51.07
27034	Navia de Suarna	28	Non susceptible de obter subvención por non acadar a puntuación mínima necesaria	2023-07-31	9.55.21
36027	Meaño	28	Non susceptible de obter subvención por non acadar a puntuación mínima necesaria	2023-07-31	12.54.11
32018	Carballeda de Avia	28	Non susceptible de obter subvención por non acadar a puntuación mínima necesaria	2023-07-31	13.28.00
27041	Pantón	28	Non susceptible de obter subvención por non acadar a puntuación mínima necesaria	2023-07-31	14.21.59
32089	Vilar de Barrio	28	Non susceptible de obter subvención por non acadar a puntuación mínima necesaria	2023-07-31	14.31.00
32091	Vilardevós	28	Non susceptible de obter subvención por non acadar a puntuación mínima necesaria	2023-07-31	14.44.59
36016	Dozón	28	Non susceptible de obter subvención por non acadar a puntuación mínima necesaria	2023-07-31	17.52.30
15090	Vilasantar	26	Non susceptible de obter subvención por non acadar a puntuación mínima necesaria	2023-06-30	9.13.45
27049	Portomarín	26	Non susceptible de obter subvención por non acadar a puntuación mínima necesaria	2023-07-11	9.36.20
27051	Ribadeo	26	Non susceptible de obter subvención por non acadar a puntuación mínima necesaria	2023-07-11	9.41.01
15038	Frades	26	Non susceptible de obter subvención por non acadar a puntuación mínima necesaria	2023-07-17	11.46.38
36034	Neves, As	26	Non susceptible de obter subvención por non acadar a puntuación mínima necesaria	2023-07-19	12.07.00
27054	Riotorto	26	Non susceptible de obter subvención por non acadar a puntuación mínima necesaria	2023-07-20	11.45.25
27059	Sober	26	Non susceptible de obter subvención por non acadar a puntuación mínima necesaria	2023-07-21	14.32.23
15086	Trazo	26	Non susceptible de obter subvención por non acadar a puntuación mínima necesaria	2023-07-27	10.44.32
15001	Abegondo	26	Non susceptible de obter subvención por non acadar a puntuación mínima necesaria	2023-07-27	13.48.43
36032	Moraña	26	Non susceptible de obter subvención por non acadar a puntuación mínima necesaria	2023-07-27	14.13.02
15025	Cerdido	26	Non susceptible de obter subvención por non acadar a puntuación mínima necesaria	2023-07-28	8.09.18
36037	Pazos de Borbén	26	Non susceptible de obter subvención por non acadar a puntuación mínima necesaria	2023-07-28	10.39.33
15083	Toques	26	Non susceptible de obter subvención por non acadar a puntuación mínima necesaria	2023-07-28	11.20.53
32003	Arnoia, A	26	Non susceptible de obter subvención por non acadar a puntuación mínima necesaria	2023-07-28	11.53.38
32079	Taboadela	26	Non susceptible de obter subvención por non acadar a puntuación mínima necesaria	2023-07-28	11.55.55
36010	Catoira	26	Non susceptible de obter subvención por non acadar a puntuación mínima necesaria	2023-07-28	12.20.52
27043	Páramo, O	26	Non susceptible de obter subvención por non acadar a puntuación mínima necesaria	2023-07-28	13.39.47
32090	Vilar de Santos	26	Non susceptible de obter subvención por non acadar a puntuación mínima necesaria	2023-07-28	14.27.46
36028	Meis	26	Non susceptible de obter subvención por non acadar a puntuación mínima necesaria	2023-07-31	10.27.28
36007	Campo Lameiro	26	Non susceptible de obter subvención por non acadar a puntuación mínima necesaria	2023-07-31	12.19.57
15039	Irixoa	26	Non susceptible de obter subvención por non acadar a puntuación mínima necesaria	2023-07-31	12.47.41
15047	Mesía	26	Non susceptible de obter subvención por non acadar a puntuación mínima necesaria	2023-07-31	13.21.31
15007	Baña, A	26	Non susceptible de obter subvención por non acadar a puntuación mínima necesaria	2023-07-31	13.33.26
36040	Portas	26	Non susceptible de obter subvención por non acadar a puntuación mínima necesaria	2023-07-31	14.05.53
32431	MIV do Ribeiro	18	Non susceptible de obter subvención por non acadar a puntuación mínima necesaria	2023-07-26	12.46.39
36043	Ponte Caldelas	16	Non susceptible de obter subvención por non acadar a puntuación mínima necesaria	2023-07-18	12.56.16
15077	Santa Comba	16	Non susceptible de obter subvención por non acadar a puntuación mínima necesaria	2023-07-28	12.55.28
32058	Pereiro de Aguiar, O	16	Non susceptible de obter subvención por non acadar a puntuación mínima necesaria	2023-07-28	13.26.04
36053	Soutomaior	16	Non susceptible de obter subvención por non acadar a puntuación mínima necesaria	2023-07-31	14.47.15
36049	Salceda de Caselas	16	Non susceptible de obter subvención por non acadar a puntuación mínima necesaria	2023-07-31	20.13.51
27016	Chantada	14	Non susceptible de obter subvención por non acadar a puntuación mínima necesaria	2023-07-28	13.56.07

ANEXO III

Proposta de solicitudes non susceptibles de obter subvención por desistencia

Nº expediente	Entidade solicitante	CIF	Documentación non emendada
BS631G/2023/0059	Concello da Bola	P3201500J	– Memoria explicativa sobre o investimento obxecto da solicitude da subvención. (Art. 11.1.b) – Orzamento detallado do vehículo que se propón adquirir emitido pola empresa concesionaria. (Art. 11.1.c) – Documentación acreditativa da representación. (Art. 11.1.i)
BS631G/2023/0065	Concello de Campo Lameiro	P3600700C	– Memoria explicativa sobre o investimento obxecto da solicitude da subvención. (Art. 11.1.b) – Orzamento detallado do vehículo que se propón adquirir emitido pola empresa concesionaria. (Art. 11.1.c) – Documentación acreditativa da representación. (Art. 11.1.i)