Antecedentes.

Mediante a Resolución do 18 de outubro de 2022, acordouse a incoación do procedemento administrativo para a declaración da Comunidade Autónoma de Galicia como herdeira ab intestato de María Berta Novoa Rivas (ABI/2017/0026).

A citada resolución publicouse no Boletín Oficial del Estado (supl. N. nº 273, do 14 de novembro), no Diario Oficial de Galicia (DOG nº 214, do 10 de novembro), na páxina web da Consellería de Facenda e Administración Pública, e foi exposta no taboleiro de anuncios do Concello de Lugo por prazo non inferior a un mes.

Constan no expediente os correspondentes certificados de defunción e derradeiras vontades relativos á persoa causante, en que se acredita o seu falecemento, o 29 de abril de 2017 en Lugo, e que, aínda que tiña outorgado testamento, este resultou ineficaz por premoriencia das persoas instituídas. Así mesmo, figura igualmente incorporado certificado do seu empadroamento no concello de Lugo, quedando xustificada formalmente a súa veciñanza civil galega.

Non se recibiron alegacións, documentos ou outros elementos de xuízo que cuestionen a sucesión a favor da Administración autonómica, o que corrobora o informe emitido para o efecto pola Policía Autonómica de Galicia e as manifestacións de terceiras persoas unidas ao expediente.

Das consultas efectuadas ante o Catastro Inmobiliario, no Índice Xeral Informatizado de Predios e Dereitos do Rexistro da Propiedade e por outras fontes, determinouse, en principio, que polo menos forman parte do caudal hereditario da persoa finada os bens e dereitos que se adxudican no punto segundo desta resolución, e sen prexuízo da inclusión daqueles outros que se identifiquen con posterioridade a esta declaración como de titularidade da persoa causante, neste caso, particularmente, os que se deriven da sucesión do seu esposo, Antonio Acuña Rey, que por derradeiro testamento do 31 de marzo de 1987 instituíu herdeira de todos os seus bens, dereitos e accións a María Berta Novoa Rivas.

A Asesoría Xurídica da Consellería de Facenda e Administración Pública emitiu informe sobre a adecuación e suficiencia das actuacións practicadas para a declaración da Comunidade Autónoma como herdeira ab intestato da persoa causante.

Fundamentos xurídicos.

– Lei 2/2006, do 14 de xuño, de dereito civil de Galicia, artigos 267 e seguintes.

– Código civil, artigos 657 e seguintes.

– Lei 33/2003, do 3 de novembro, do patrimonio das administracións públicas, artigos 20.6, 20 bis e 20 ter.1.

– Lei 5/2011, do 30 de setembro, do patrimonio da Comunidade Autónoma de Galicia, artigos 4 e 56.

– Decreto 94/1999, do 25 de marzo, sobre réxime administrativo da sucesión intestada a favor da Comunidade Autónoma de Galicia.

– Lei 39/2015, do 1 de outubro, do procedemento administrativo común das administracións públicas.

– Decreto 113/2022, do 16 de xuño, polo que se establece a estrutura orgánica da Consellería de Facenda e Administración Pública, artigos 4 e 7.

Segundo o anterior,

RESOLVO:

Primeiro. Declarar a Comunidade Autónoma de Galicia única e universal herdeira ab intestato de María Berta Novoa Rivas, con DNI 33574195Z, entendéndose legalmente aceptada a herdanza a beneficio de inventario.

Segundo. Adxudicar á Administración autonómica os seguintes bens e dereitos da herdanza identificados:

a) Bens inmobles:

– Piso cuarto esquerda, do predio nº 70 da rúa Santiago, da cidade de Lugo. Ten unha superficie construída aproximada de 86 m2 segundo o Catastro Inmobiliario.

Referencia catastral: 7227001PH1672N0013GY.

Valor catastral: 16.268,31 €.

Inscrición rexistral: non consta.

– Piso quinto, letra J, do predio nº 16 da rúa Monforte, da cidade de Lugo. Ten unha superficie construída aproximada de 172 m2 segundo o Catastro Inmobiliario.

Referencia catastral: 7837215PH1673N0031YS.

Valor catastral: 39.990,63 €.

Inscrición rexistral: non consta.

b) Contratos e outros efectos bancarios:

– Abanca, conta de aforro:	2080 0163 8130 0001 4466
– Abanca, conta de aforro:	2080 0162 3930 0004 7468
– Abanca, conta de aforro:	2080 0184 7930 0000 7568
– Abanca, conta a prazo:	2080 0162 3338 1000 3933
– Abanca, conta a prazo:	2080 162 3938 1002 5802
– Abanca, fondo de inversión:	460 0162 000324/8
– Abanca, fondo de inversión:	460 0162 000344/4
– Banco Santander, S.A., conta de aforro:	00490091012190828958
– Banco Santander, S.A., depósito de valores:	0049 0091 08 4000002387
– Banco Santander, S.A., depósito de valores:	0049 0091 08 4008984104

c) Pólizas e contratos de seguros:

– Seguro Abanca Patrimonio II:	547 0162 000067/2
– Abanca Seguro Bia Asegurado Renta:	548 0162 000032/1
– Abanca Seguro Asegurado Renta Plus:	548 0162 000095/6

Terceiro. Publicar a presente resolución no Boletín Oficial del Estado, no Diario Oficial de Galicia e na páxina web da Consellería de Facenda e Administración Pública, área temática de Patrimonio, Anuncios, que se pode consultar na seguinte ligazón: http://www.conselleriadefacenda.es/areas-tematicas/patrimonio/anuncios

Unha copia desta resolución será remitida para a súa exposición pública, por prazo non inferior a un mes, no taboleiro de anuncios do Concello de Lugo.

Esta resolución poderá ser impugnada por infracción das normas sobre competencia e procedemento mediante recurso de alzada, no prazo dun mes, ante o conselleiro de Facenda e Administración Pública, de conformidade cos artigos 112.1, 114 e 121 e seguintes da Lei 39/2015, do 1 de outubro, do procedemento administrativo común das administracións públicas.

Os que se consideren prexudicados en canto ao seu mellor dereito á herdanza ou noutros dereitos de carácter civil por esta declaración ou pola adxudicación de bens a favor da Comunidade Autónoma de Galicia que se contén nesta resolución, poderán exercer as accións pertinentes ante o órgano da xurisdición civil correspondente.

Santiago de Compostela, 18 de setembro de 2023

Jorge Atán Castro
Secretario xeral técnico e do Patrimonio da Consellería de
Facenda e Administración Pública