En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia, e demais normas vixentes de aplicación, sométese a información pública a solicitude relacionada coa instalación que se describe a seguir:
Antecedentes:
– O 4.1.2021, Naturgy Renovables, S.L.U. solicitou as autorizacións administrativas previa e de construción, a declaración de utilidade pública, así como a aprobación do proxecto sectorial para o parque eólico Pequecho, nos concellos de Viveiro e Xove, na provincia de Lugo, ao abeiro da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de compensación Ambiental, modificada pola disposición derradeira sétima da Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, de 25 de outubro), e modificada pola Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).
– O 1.2.2021, a Dirección Xeral de Planificación Enerxética e Recursos Naturais notifícalle á dita sociedade o cumprimento dos requisitos establecidos nos artigos 30 e 31 da Lei 8/2009, do 22 de decembro (en diante, Lei 8/2009).
– O 22.7.2022, Naturgy Renovables, S.L.U. presentou unha solicitude de modificación substancial consistente na redución do número e cambio de posición dos aeroxeradores, diminuíndo a potencia ata os 42 MW.
– O 26.10.2022, notificóuselle á dita sociedade o cumprimento dos requisitos establecidos no artigo 31.
– A Dirección Xeral de Planificación Enerxética e Recursos Naturais para continuar co procedemento, procede a solicitar o informe recollido no artigo 33.7 da Lei 8/2009 ao órgano competente en materia do territorio con data do 27.10.2022.
– En resposta á citada solicitude de informe, o 28.11.2022 a Dirección Xeral de Ordenación do Territorio e Urbanismo emitiu informe de referencia do artigo 33.7 da Lei 8/2009 onde se indica que os aeroxeradores cumpren a distancia mínima de 1.000 m ás delimitacións de solo de núcleo rural, urbano e urbanizable.
– O 14.7.2023, e de acordo co artigo 33.9 da Lei 8/2009, a Dirección Xeral de Planificación Enerxética e Recursos Naturais achega a esta xefatura territorial o expediente para continuar coa súa tramitación.
As instalacións incluídas no proxecto descríbense a seguir:
Solicitante/promotor: Naturgy Renovables, S.L.U., NIF B84160423.
Domicilio social: avenida de Arteixo 171, 15007 A Coruña.
Denominación do proxecto: parque eólico Pequecho e as súas infraestructuras de evacuación.
Situación: concellos de Viveiro e Xove (Lugo).
Áreas de desenvolvemento eólico (ADE): ADE de Viveiro.
Potencia instalada: 42 MW.
Número de aeroxeradores que se van instalar: 6.
Produción neta anual estimada: 138.760 MWh/ano.
Orzamento total (execución material): 56.494.870,62 €.
Coordenadas perimétricas da poligonal do parque eólico:
Vértice |
Datum ETRS89 (fuso 29) |
|
UTM-X |
UTM-Y |
|
a |
615.217,00 |
4.835.350,00 |
b |
615.430,00 |
4.835.548,00 |
c |
616.347,00 |
4.836.051,00 |
d |
618.304,00 |
4.835.854,00 |
e |
618.419,00 |
4.834.767,00 |
f |
619.678,00 |
4.835.016,00 |
g |
619.578,00 |
4.837.271,00 |
h |
615.493,00 |
4.837.271,00 |
i |
614.963,00 |
4.835.469,00 |
Coordenadas de localización dos aeroxeradores:
Máquinas |
Datum ETRS89 (fuso 29) |
|||
UTM-X |
UTM-Y |
Diámetro/altura |
Concello |
|
PE-01 |
615.374,00 |
4.836.156,00 |
162 / 119 |
Viveiro |
PE-02 |
615.737,00 |
4.836.702,00 |
162 / 119 |
Viveiro |
PE-03 |
617.549,00 |
4.836.724,00 |
150 / 125 |
Xove |
PE-04 |
617.938,00 |
4.836.724,00 |
162 / 119 |
Xove |
PE-05 |
617.874,00 |
4.836.134,00 |
150 / 125 |
Xove |
PE-06 |
618.523,19 |
4.835.902,97 |
150 / 125 |
Xove |
A subestación ocupará unha superficie de aproximadamente 56×52 m² en que se situará o parque de intemperie, o edificio de control, as vías e zonas de acceso e estacionamento. Coordenadas da localización:
Datum ETRS89 (fuso 29) |
|||
UTM-X |
UTM-Y |
Concello |
|
Subestación |
618.852,00 |
4.836.804,00 |
Xove |
Liña interconexión, que conecta a subestación do parque eólico Pequecho, e a subestación colectora (SEC Xove 400/132 kV), onde se eleva a enerxía de 132 a 400 kV no transformador da SET, para a súa posterior vertedura á rede.
Conta cun tramo aéreo a 132 kV que parte do pórtico da SET do parque eólico Pequecho situado nas coordenadas (ETRS89) X=618.823,59 e Y=4.836.813,51 e finaliza no pórtico da posición de Naturgy da SEC Xove 400 kV, situado nas coordenadas (ETRS89) X=621.048,31 e Y=4.838.877,70.
A liña está formada por 1 tramo en simple circuíto situado entre o pórtico da SET do parque eólico Pequecho e o apoio nº 7, e un tramo de dobre circuíto situado entre o apoio nº 7 e o pórtico da SEC Xove 400 kV. O tramo en dobre circuíto realízase en previsión de compartir o trazado da liña de evacuación do parque eólico Caroliño ata a chegada á SEC Xove 400 kV. A lonxitude do trazado aéreo é de 4.397,3 m.
A subestación colectora 400/132 kV onde se sitúa a posición de chegada da liña de evacuación do parque eólico Caroliño, atópase situada nas seguintes coordenadas:
Datum ETRS89 (fuso 29) |
|||
UTM-X |
UTM-Y |
Concello |
|
Subestación colectora |
621.043,00 |
4.838.888,00 |
Xove |
Liña de interconexión 400, que conecta a subestación colectora (SEC Xove 400 kV) coa subestación Xove de Rede Eléctrica onde a enerxía xerada é vertida á rede. Conta cun tramo aéreo a 400 kV que parte do pórtico de 400 kV da SEC Xove 400 kV situado nas coordenadas (ETRS89) X=620.956,13 e Y=4.838.889,54 e finaliza no pórtico da SET de REE. A lonxitude do trazado aéreo é de 326,86 m.
Coordenadas da torre metereolóxica de 125 m de altura:
Datum ETRS89 (fuso 29) |
|||
UTM-X |
UTM-Y |
Concello |
|
Torre 1 |
616.001,00 |
4.836.492,00 |
Xove |
Características técnicas principais das instalacións:
– Integrado por un total de 6 aeroxeradores tripá. Tres deles terán un diámetro de rotor de 162 m, 7.200 kW de potencia nominal unitaria, e unha altura de buxa de 119 m. Os outros tres terán un diámetro de rotor de 150 m, 6.800 kW de potencia nominal unitaria, e unha altura de buxa de 125 m. Todos eles cunha altura de punta de pa de 200 m.
– Cada aeroturbina xera enerxía a 690 V, a cal se eleva a 30 kV nos transformadores de 7.600 kVA e 7.200 kVA de potencia aparente que hai aloxados no interior da góndola. Os aeroxeradores conectaranse entre si a través dos correspondentes condutores enterrados e cabinas de entrada-saída da liña de forma que se constituirán 2 liñas de xeración en 30 kV, as cales se tenderán soterradas en gabia ata a subestación 30/132 kV do parque eólico. Da subestación do parque eólico Pequecho, sae unha liña de evacuación de 132 kV ata a subestación colectora Xove 400 kV, desde onde se realiza a conexión á rede de transporte.
– Desde a subestación colectora Xove 400 kV partirá unha liña de 400 kV aérea, para realizar a conexión coa rede de transporte na subestación Xove 400 de REE.
– A SEC Xove 400 kV, inclúe as instalacións comúns, así como a posición de chegada da liña de evacuación do parque eólico Pequecho, e os seus elementos de control.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1 da Lei 21/2013, do 9 de decembro, de avaliación ambiental
Obxecto da información pública:
– Proxecto de execución (visado nº 20222194, do 19.7.2022).
– Estudo de impacto ambiental (EIA) (asinado o 9.2.2023).
– Proxecto sectorial de incidencia supramunicipal (proxecto de interese autonómico) (visado nº 20222204, do 20.7.2022).
O que se fai público, de conformidade co artigo 33 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental e demais normas anteriormente citadas, para coñecemento xeral, e para que todas aquelas persoas, naturais ou xurídicas, que se consideren afectadas nos seus dereitos ou intereses, poidan examinar a documentación técnica anteriormente relacionada e, de ser o caso, presentar as alegacións ou observacións que consideren oportunas dentro do prazo de trinta (30) días, que se contarán a partir do día seguinte ao da última publicación deste acordo.
A documentación estará á disposición das persoas interesadas nas dependencias da sección de Enerxía desta Xefatura Territorial de Lugo da Consellería de Economía, Industria e Innovación (rolda da Muralla, núm. 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 29 46 47), así como nos concellos de Viveiro e Xove (Lugo). Ademais, tamén se poderá consultar no portal web da Consellería de Economía, Industria e Innovación a través da seguinte ligazón:
https://economia.xunta.gal/transparencia/parque-eolico/pequecho
Lugo, 12 de setembro de 2023
O xefe territorial de Lugo
P.A. (Artigo 41.3 do Decreto 116/2022, do 23 de xuño)
Juan Carlos Morán del Pozo
Xefe do Servizo de Industria