O Pleno da Corporación, en sesión que tivo lugar o día 27 de abril de 2023, adoptou o seguinte acordo:

Primeiro. Aprobar definitivamente, en cumprimento do establecido no parágrafo tres da Orde da Consellería de Medio Ambiente, Territorio e Infrestruturas (CMATI), do 29 de abril de 2011 (DOG núm. 94, do 16 de maio), de conformidade cos informes da Confederación Hidrográfica do Miño-Sil do 10.4.2013 e do 28.2.2019, co informe favorable da Consellería de Medio Ambiente, Territorio e Vivenda (CMATV) do 21.9.2022, e coa documentación xustificativa do cumprimento dos seus condicionantes, rexistrada de entrada con data do 20.3.2023 polo equipo redactor Epypsa, a parte do Proxecto de revisión do Plan xeral de ordenación municipal, relativa aos ámbitos e determinacións que non foron obxecto de aprobación na dita orde (artigo 60.16 da Lei do solo de Galicia).

Significar que a ordenación urbanística dos referidos ámbitos e determinacións que agora se aproba definitivamente está contida na súa integridade na documentación presentada polo equipo redactor neste concello, con data do 30 de marzo de 2023, denominada:

Plan xeral de ordenación municipal de Lugo.

Documento técnico completo para a aprobación definitiva relativa aos ámbitos e determinacións pendentes de aprobación polo parágrafo terceiro da parte dispositiva da Orde da Consellería de Medio Ambiente, Territorio e Infraestuturas, do 29 de abril de 2011, de aprobación definitiva parcial.

(Acordos plenarios do 3.12.2012, 30.7.2020 e 23.6.2022 e Informe da Consellería de Medio Ambiente, Territorio e Vivenda do 21.9.2022).

Segundo. Proceder á publicación deste acordo de aprobación definitiva no DOG, no prazo dun mes desde a súa adopción. Xunto coa publicación deste acordo, publicarase a referencia ao enderezo electrónico no cal figurará o contido íntegro deste proxecto á disposición do público (artigo 82.2 da LSG).

Terceiro. Unha vez publicado o anuncio no DOG, a que fai referencia o anterior acordo, proceder á remisión dun exemplar do proxecto aprobado definitivamente en soporte dixital, debidamente dilixenciado, á Consellería de Medio Ambiente, Territorio e Vivenda (CMATV) para a súa inscrición no Rexistro de Planeamento Urbanístico de Galicia; esta inscrición é requisito de eficacia do acordo de aprobación definitiva (artigo 88 da LSG). Posteriormente, procederase á publicación do anuncio no BOP, conforme o establecido nos artigos 82.3 e 88.4 da LSG.

Cuarto. Elaborar, con posterioridade á realización dos anteriores trámites, un documento refundido comprensivo do proxecto aprobado pola Orde da Consellería de Medio Ambiente, Territorio e Infrestruturas (CMATI) do 29 de abril de 2011 (DOG núm. 94, do 16 de maio) e o documento agora aprobado definitivamente a que fai referencia o parágrafo primeiro deste acordo. Unha vez elaborado, será remitido á Consellería de Medio Ambiente, Territorio e Vivenda (CMATV) para o seu debido coñecemento e oportunos efectos.

Quinto. Contra este acordo de aprobación definitiva poderá interpoñerse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia (artigo 10 da Lei 29/1998, do 13 de xullo), nun prazo de dous meses, contados a partir do día seguinte ao da publicación deste acordo, o cal pon fin á vía administrativa (artigo 46 da Lei 29/1998, do 13 de xullo), sen prexuízo de que poidan interpoñer calquera outro recurso ou reclamación que xulguen conveniente ao seu dereito.

O contido íntegro do documento aprobado poderá consultarse nas seguinte ligazóns:

https://concellodelugo.gal/gl/actuacions/pxom-plan-xeral-de-ordenacion-municipal

https://concellodelugo.gal/es/actuaciones/pgom-plan-general-de-ordenacion-municipal

Lugo, 28 de xuño de 2023

A alcaldesa
P.D. (Decreto 5756/2023)
Mercedes Paula Alvarellos Fondo
Tenenta de alcaldesa delegada da Área de Sostibilidade
Urbana e Recursos Internos