Na sesión do día 14.6.2023, o Xurado Provincial de Clasificación de MVMC de Lugo, por unanimidade, acordou aprobar os seguintes deslindamentos entre montes veciñais e proceder ás oportunas modificacións nos expedientes correspondentes:
― MVMC Os Boedos (expediente 8/77), pertencente aos veciños da parroquia de Illán, no concello de Begonte; e MVMC Pígara (expediente 65/75), pertencente aos veciños da parroquia de Pígara, no concello de Guitiriz.
O 26.9.2022 presentouse unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegaron acta de deslindamento, planos topográficos, acta de conciliación ante o Xulgado de Paz de Guitiriz e certificacións de aprobación por parte das comunidades implicadas.
O 23.3.2023, o Servizo de Montes emitiu un informe (2022_132) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Os Boedos: 297,08 hectáreas.
– MVMC Pígara: 626,03 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo I, ao final deste anuncio.
– MVMC Pol (expediente 46/73), pertencente aos veciños da parroquia de Pol, no concello de Monterroso; e MVMC Vacaloura e Fido (expediente 39/76), pertencente aos veciños da parroquia do Castro de Soengas, no concello de Portomarín.
O 27.9.2022 presentouse unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegaron acta de deslindamento, planos topográficos, acta de conciliación ante o Xulgado de Paz de Portomarín e certificacións de aprobación por parte das comunidades implicadas.
O 27.3.2023, o Servizo de Montes emitiu un informe (2022_141) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Pol: 295 hectáreas.
– MVMC Vacaloura e Fido: 290 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo II, ao final deste anuncio.
― MVMC Vilarnovo (expediente 9/81), pertencente aos veciños do lugar de Vilarnovo, na parroquia de Vilaquinte (Cervantes); e MVMC Penedo (expediente 135/78), pertencente aos veciños do lugar de Penedo, na parroquia de Vallo (Navia de Suarna).
O 27.9.2022 presentouse unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegaron acta de deslindamento, planos topográficos, acta de conciliación ante o Xulgado de Paz de Navia de Suarna e certificacións de aprobación por parte das comunidades implicadas.
O 29.3.2023, o Servizo de Montes emitiu un informe (2022_148) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Vilarnovo: 124 hectáreas.
– MVMC Penedo: 289 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo III, ao final deste anuncio.
― MVMC Savane (expediente 5/81), pertencente aos veciños do lugar de Savane, na parroquia de Quindous; e MVMC Bustelo (expediente 115/80), pertencente aos veciños do lugar de Bustelo, na parroquia do Castro, ambos os montes no concello de Cervantes.
O 27.9.2022 presentouse unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegaron acta de deslindamento, planos topográficos, acta de conciliación ante o Xulgado de Paz de Cervantes e certificacións de aprobación por parte das comunidades implicadas.
O 3.4.2023, o Servizo de Montes emitiu un informe (2022_150) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Savane: 357 hectáreas.
– MVMC Bustelo: 135 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo IV, ao final deste anuncio.
― MVMC Coro (expediente 44/77), pertencente aos veciños do lugar de Coro, na parroquia de Rao; e MVMC Ventosa (expediente 89/77), pertencente aos veciños do lugar de Ventosa, na parroquia de Moia. Ambos os montes están no concello de Navia de Suarna.
O 29.9.2022 presentouse unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegaron acta de deslindamento, planos topográficos, acta de conciliación ante o Xulgado de Navia de Suarna e certificacións de aprobación por parte das comunidades implicadas.
O 5.5.2023, o Servizo de Montes emitiu un informe (2022_153) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Coro: 500,4 hectáreas.
– MVMC Ventosa: 657,2 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo V, ao final deste anuncio.
― MVMC Brancio e Candelos (expediente 15/81), pertencente aos veciños dos lugares Brancio e Candelos; e MVMC Ervellais (expediente 1/87), pertencente aos veciños do lugar de Ervellais, ambos na parroquia de San Martín de Arroxo, no concello da Fonsagrada.
O 30.9.2022 presentouse unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Tras o requirimento oportuno, achegaron acta de deslindamento, planos topográficos, acta de conciliación ante o Xulgado de Primeira Instancia e Instrución da Fonsagrada e certificacións de aprobación por parte das comunidades implicadas.
O 22.5.2023, o Servizo de Montes emitiu un informe (2022_284) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Brancio e Candelos: 131,33 hectáreas.
– MVMC Ervellais: 15,88 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo VI, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 26 de xuño de 2023
María Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo