Na sesión celebrada o día 14.6.2023, o Xurado Provincial de Clasificación de MVMC de Lugo, por unanimidade, acordou aprobar os seguintes deslindamentos entre montes veciñais e proceder ás oportunas modificacións nos expedientes correspondentes:
– MVMC Serra de Loibán, Costa de Cebrán, Lombas e Pico Ó Raso (expediente 114/78), pertencente aos veciños da parroquia de Ourol; MVMC Espenucas, Algosas, Couteiro, Pico de Paredes e Costa de Cebrán (expediente 121/78), pertencente aos veciños da parroquia do Sisto; MVMC Carranco, Chao dos Nabás, Paiomouro, Seixo do Abertido, Moles Panda da Serra e Couteiro (expediente 118/78), pertencente aos veciños da parroquia de Bravos. Todos no concello de Ourol.
O 20.9.2022 tivo entrada unha solicitude relativa ao acordo de deslindamento levado a cabo pola comunidade de Ourol coa do Sisto e a de Bravos, en canto ás liñas divisorias que separan os seus montes veciñais. Achegan actas de deslindamento, planos topográficos, actas de conciliación e certificacións de aprobación por parte das comunidades implicadas.
O 21.11.2022, o Servizo de Montes emitiu un informe (2022_85) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Serra de Loibán, Costa de Cebrán, Lombas e Pico Ó Raso: 597,75 ha.
− MVMC Espenucas, Algosas, Couteiro, Pico Paredes e C. de Cebrán: 279 ha.
− MVMC Carranco, Chao dos Nabás, Paiomouro, Seixo do Abertido: 838,2 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo I, ao final deste anuncio.
– MVMC Froxán (expediente 83/75), pertencente aos veciños do lugar de Froxán; MVMC Vilar (expediente 86/75), pertencente aos veciños do lugar de Vilar. Ambos montes están na parroquia de Vilamor, no concello de Folgoso do Courel.
O 26.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 16.3.2023, o Servizo de Montes emitiu un informe (2022_126) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Froxán: 879 hectáreas.
− MVMC Vilar: 317 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo II, ao final deste anuncio.
– MVMC Froxán (expediente 83/75), pertencente aos veciños do lugar de Froxán, na parroquia de Vilamor, concello de Folgoso do Courel; MVMC Mazo Santigoso (expediente 84/75), pertencente aos veciños de Mazo de Santigoso, da parroquia de Vilamor, no concello de Folgoso de Courel; e MVMC Peñido e Cazola (expediente 7/75), no concello da Pobra do Brollón, tamén pertencente aos veciños de Mazo de Santigoso.
O 26.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 17.3.2023, o Servizo de Montes emitiu un informe (2022_127) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Froxán: 876 hectáreas.
− MVMC Mazo Santigoso: 197,04 hectáreas.
− MVMC Peñido e Cazola: 157,31 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo III, ao final deste anuncio.
– MVMC Froxán (expediente 83/75), pertencente aos veciños do lugar de Froxán, na parroquia de Vilamor, concello de Folgoso do Courel; MVMC Vilar de Lor (expediente 28/73), pertencente aos veciños da parroquia de Vilar de Lor, concello de Quiroga.
O 27.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 20.4.2023, o Servizo de Montes emitiu un informe (2022_165) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Froxán: 876 hectáreas.
− MVMC Vilar de Lor: 1.244 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo IV, ao final deste anuncio.
– MVMC Vilar de Lor (expediente 28/73), pertencente aos veciños da parroquia de Vilar de Lor; MVMC Campa e Ferreiriños (expediente 122/75), pertencente aos veciños de Arxubín e Barxa, na parroquia do Hospital. Ambos montes no concello de Quiroga.
O 28.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 23.4.2023, o Servizo de Montes emitiu un informe (2022_169) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Vilar de Lor: 1.246 hectáreas.
− MVMC Campa e Ferreiriños: 531 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo V, ao final deste anuncio.
– MVMC Vilar de Lor (expediente 28/73), pertencente aos veciños da parroquia de Vilar de Lor; MVMC Nocedo (expediente 29/73), pertencente aos veciños da parroquia de Nocedo. Ambos os montes no concello de Quiroga.
O 28.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 11.5.2023, o Servizo de Montes emitiu un informe (2022_183) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Vilar de Lor: 1.255 hectáreas.
− MVMC Nocedo: 789,42 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo VI, ao final deste anuncio.
– MVMC Campa e Ferreiriños (expediente 122/75), pertencente aos veciños de Arxubín e Barxa; MVMC Campodola (expediente 107/75), pertencente aos veciños do lugar de Campodola. Ambos na parroquia do Hospital, no concello de Quiroga.
O 28.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 26.4.2023, o Servizo de Montes emitiu un informe (2022_170) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
− MVMC Campa e Ferreiriños: 532 hectáreas.
− MVMC Campodola: 386 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo VII, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 26 de xuño de 2023
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
