En cumprimento do disposto na Lei 21/2013, do 9 de decembro, de avaliación ambiental, no artigo 6 do Real decreto 975/2009, do 12 de xuño, sobre xestión dos residuos das industrias extractivas, de protección e rehabilitación do espazo afectado por actividades mineiras, e no artigo 23 da Lei 8/2003, do 23 de maio, de ordenación da minaría de Galicia, sométese a información pública a solicitude relacionada coa ampliación da autorización de aproveitamento da sección A) que se describe a seguir:
• Solicitante: Arenera Norteña, S.L., co NIF: B42739441.
• Denominación do proxecto: 7ª ampliación da autorización de aproveitamento da sección A) denominada Castro número 143.
• Recurso: area.
• Concello afectado: Vilar de Santos (Ourense).
• Localización: (coordenadas UTM, fuso 29 ETRS89).
As coordenadas que definen o perímetro da explotación son as seguintes:
Vértice |
X |
Y |
1 |
599.933,00 |
4.658.454,00 |
2 |
600.075,00 |
4.658.509,00 |
3 |
600.201,00 |
4.658.146,00 |
4 |
600.017,00 |
4.658.106,00 |
O obxecto da información pública será a autorización da 7ª ampliación da explotación da sección A), o estudo de impacto ambiental, o plan de restauración e o estudo de impacto e integración paisaxística da explotación mineira.
Documentación que se expón:
1. O proxecto de aproveitamento, o estudo de impacto ambiental e o plan de restauración (asinado o 30.7.2022).
2. O estudo de impacto e integración paisaxística (asinado o 30.7.2022).
3. O resumo non técnico (asinado o 30.7.2022).
O que se fai público, de conformidade co artigo 36 da Lei 21/2013, do 9 de decembro, de avaliación ambiental, para o coñecemento xeral e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Órgano competente: o órgano competente para autorizar o proxecto de aproveitamento e o plan de restauración é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida ampliación de explotación está suxeito a avaliación de impacto ambiental ordinaria, segundo o establecido no artigo 7.1 da Lei 21/2013, do 9 de decembro, de avaliación ambiental.
Toda a documentación poderase examinar na Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, nº 1, 32003 Ourense, no concello afectado, e na seguinte ligazón web da consellería:
https://ceei.xunta.gal/transparencia/informacion-publica/en-tramitacion/ explotacions-mineiras
Ourense, 28 de abril de 2023
Alicia María López Míguez
Xefa territorial de Ourense