O Pleno da Corporación, en sesión que tivo lugar o día 24 de novembro de 2022, adoptou o seguinte acordo:
Primeiro. Aprobar definitivamente o estudo de detalle de agregación das parcelas 01 e 02 do rueiro 1513 (antigo Hospital de San Miguel) do Plan especial de protección, rehabilitación e reforma interior do recinto amurallado de Lugo e a súa zona de influencia (PEPRI), formulado polo IGVS e redactado polo arquitecto José Ignacio López de Rego Uriarte.
Segundo. Publicar este acordo de aprobación definitiva no DOG, no prazo dun mes desde a súa adopción. Xunto coa publicación deste acordo publicarase a referencia ao enderezo electrónico en que figurará o contido íntegro deste estudo de detalle á disposición do público (artigo 82.2 da LSG).
Terceiro. Unha vez publicado o anuncio no DOG, a que fai referencia o anterior acordo, remitir un exemplar deste estudo de detalle en soporte dixital, debidamente dilixenciado, á Consellería de Medio Ambiente, Territorio e Vivenda (CMATV) para a súa inscrición no Rexistro de Planeamento Urbanístico de Galicia. Esta inscrición é requisito de eficacia do acordo de aprobación definitiva (artigo 88 da LSG). Posteriormente, publicarase o anuncio no BOP, conforme o establecido nos artigos 82.3 e 88.4 da LSG.
Cuarto. Notificarlles este acordo aos interesados e indicarlles que contra el poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia (artigo 10 da Lei 29/1998, do 13 de xullo) nun prazo de dous meses, contados a partir do día seguinte ao da notificación deste acto, o cal pon fin á vía administrativa (artigo 46 da Lei 29/1998, do 13 de xullo), sen prexuízo de que poidan interpoñer calquera outro recurso ou reclamación que xulguen conveniente ao seu dereito.
O contido íntegro do documento aprobado poderá consultarse na seguinte ligazón:
https://treboada.lugo.gal/index.php/s/naDmfDBwMdQXPqy
Lugo, 9 de maio de 2023
A alcaldesa
P.D. (Decreto 2973/2021)
Mercedes Paula Alvarellos Fondo
Tenenta de alcaldesa da Área de Gobernanza, Economía e Recursos Humanos,
en substitución do tenente de alcaldesa delegado da Área de Sostibilidade Urbana